Biblia Todo Logo
Bib sou entènèt

- Piblisite -




JEREMIAH 10:10 - Edisana ñwed Abasi Ibom

10 Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

Gade chapit la Kopi




JEREMIAH 10:10
69 Referans Kwoze  

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.


Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.


Afo, kpa afo, emenyene ndik: ndien anie ekeme ndida fi ke iso, ke ini nte esit ayatde fi?


Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.


Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?


Koro Jehovah ɔmɔfɔn; ima esie ebigi ke nsinsi; akpanikɔ esie onyuŋ ebigi ke ofuri emana.


Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.


Nyeda spirit mi nsin fi ke ubɔk: Jehovah Abasi akpanikɔ, afo amafak mi.


Jehovah edi edidem ke nsinsi nsinsi: emesobo mme idut ke isɔŋ esie efep.


Ndien isɔŋ aduai onyuŋ enyek; se ikpɔ obot edade ke esit etimere onyuŋ aduai, koro esit ayatde Enye.


Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.


Edi ata ŋkpɔ ndik ndiduɔ nsine ke ubɔk Abasi emi odude uwem.


Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.


Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,


Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.


Edi anie ekeme ndiyɔ usen eridi esie? Anie owo ekeme ndida ke ini enye ayararede idem esie? Koro enye ebietde ikaŋ usɔ-gold, onyuŋ ebiet soap mme ɔdiɔŋ-ɔfɔŋ:


Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.


Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.


emi akanamde enyɔŋ, ye isɔŋ, inyaŋ, ye kpukpru se idude mmɔ ke esit: emi onimde akpanikɔ ke nsinsi:


Ubɔŋ fo edi ata nsinsi ubɔŋ, afo onyuŋ akara ke ofuri emana.


O isɔŋ, enyik idem ke iso Ɔbɔŋ, ke iso Abasi Jacob;


Enye owuk enyin ese isɔŋ, ndien isɔŋ enyek: otuk ikpɔ obot, ndien mmɔ ewɔrɔ nsuŋ-ikaŋ.


Obuma esie aŋwaŋa ekondo: isɔŋ okut, ndien enyek idem.


Ebekpo fo ɔkɔwuhɔ ke eset: afo odu ke nsinsi.


Anie owo ɔfiɔk odudu iyaresit fo, ye ifuresit fo, nte ekemde ke uteŋe fo?


Okure Jehovah ɔdɔŋ mi ukpɔŋ tutu akpa mba; esit mi ye obukidem mi ekwɔ enɔ Abasi uwem.


Uyom utuak-enyɔŋ fo okodu ke oyobio: obuma eŋwaŋa ekondo: isɔŋ otimere onyuŋ enyek.


Emi enyeŋede ererimbot osio ke ɔtɔ esie efep, mme obubɔk esie enyuŋ ebomo mbai-mbai.


Usen enyuŋ ewak emi Israel minyeneke Abasi akpanikɔ, minyuŋ inyeneke oku eke etemede, minyuŋ inyeneke ŋwed ibet.


Ndien kpukpru owo ekut, enyuŋ eduɔŋɔ ke isɔŋ, ekubi iso mmɔ: ndien mmɔ edɔhɔ ete, Jehovah edi Abasi! Jehovah edi Abasi!


Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.


Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?


O Jehovah; ke ini afo otode ke Seir, ke ini afo otode ke isɔŋ Edom asaŋa; isɔŋ enyek, enyɔŋ onyuŋ ɔtɔi, mbubit enyɔŋ enyuŋ etɔi mmɔŋ.


Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?


Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.


Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.


Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.


Simon Peter ɔbɔrɔ Enye ete, Afo edi Christ, Eyen Abasi uwem.


Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.


Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?


Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.


Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.


Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:


Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.


Ndien mbufo iditiŋke aba uyo Jehovah: koro ikɔ owo eyedi uyo (Jehovah) esie; ndien mbufo emeyut ikɔ Abasi uwem, kpa eke Jehovah mme udim, Abasi nnyin.


O Jehovah, kpaŋ utɔŋ fo nyuŋ kop: O Jehovah, tat enyin fo nyuŋ se: nyuŋ kop kpukpru ikɔ Sennacherib emi ɔdɔŋde edisuene Abasi uwem.


Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.


Ɔbɔŋ ɔnɔ uyo: ibat emi ekwɔrɔde edi akamba udim.


Ndien Abraham ɔtɔ eto ke Beer-sheba onyuŋ okot enyiŋ


man kpukpru obio ke ererimbot efiɔk ete ke Jehovah edi Abasi; efen iduhe du.


Jehovah eketie ke ini ukwɔ: Jehovah onyuŋ etie nte edidem ke nsinsi.


Isɔŋ enyek, ikpa-enyɔŋ ŋko ɔtɔi ke iso Abasi: Sinai oro (enyek) ke iso Abasi, Abasi Israel.


Ke ini ikpɔ obot mika-imanake kaŋa, ke afo muka-ubotke kaŋa isɔŋ ye ererimbot, kpa ke nsinsi-nsinsi afo edi Abasi.


Sese, mme idut ebiet ntɔi mmɔŋ ke abaŋ, enyuŋ ebat mmɔ nte obu ke balance: sese, enye eyemen mme isuo nte ata ekpri ŋkeŋe.


eke owo eke edidiɔŋde idem esie ke isɔŋ edidade Abasi akpanikɔ ɔdiɔŋ; ye owo eke ediŋwɔŋɔde ke isɔŋ edidade Abasi akpanikɔ ɔŋwɔŋɔ; koro emefre akpa ndutuhɔ: koro mmɔ enyuŋ edibede mi ke enyin.


Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.


Nse ikpɔ obot, ndien sese, mmɔ enyek, kpukpru ŋkpri obot enyuŋ efefum.


Uyo ete, “Emeda Babylon,” esin isɔŋ enyek, enyuŋ ekop eseme ke otu mme idut.


Ndien isɔŋ eyenyek onyuŋ okop ubiak: koro uduak Jehovah ete inim isɔŋ Babylon ke ndon anana owo eke oduŋde, eyesu ɔnɔ Babylon.


Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.


O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.


Ndien edi enye edikpe ererimbot ke eti ido; edikpe mme obio nte enende.


Ndien Abasi edi edidem mi toto ke eset, ke anam eriyaŋa ke ufɔt isɔŋ.


Afo etie ke enyɔŋ anam ekop ikpe; isɔŋ edikhe onyuŋ odobo,


Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.


Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.


Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.


Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.


Swiv nou:

Piblisite


Piblisite