JEREMIAH 1:6 - Edisana ñwed Abasi Ibom

⁶ Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

JEREMIAH 1:6 Referans Kwoze

EXODUS 6:12

Ndien Moses ɔdɔhɔ ke iso Jehovah, ete, Sese, nditɔ Israel ikopke uyo mi; ndien Pharaoh edinam didie ikop uyo mi, emi ndide edut ke inua?

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

EXODUS 6:30

Ndien Moses ɔdɔhɔ ke iso Jehovah, ete, Sese ami ndi edut ke inua, ndien Pharaoh edinam didie okop ɔnɔ mi?

JEREMIAH 14:13

Ndien ami ndɔhɔ, nte O Ɔbɔŋ Jehovah, sese mme prophet edɔhɔ mmɔ, ete, Mbufo idikwe ofut, akaŋ idinyuŋ inamke mbufo; koro nyenɔ mbufo akpan ifure ke ebiet emi.

EXODUS 4:1

NDIEN Moses ɔbɔrɔ ete, Edi, sese, mmɔ idibuɔtke idem ye ami, idinyuŋ ikopke uyo mi: koro mmɔ eyedɔhɔ, ete, Jehovah ikowutke fi idem.

JEREMIAH 4:10

Ndien ami ndɔhɔ, nte, Ah, Ɔbɔŋ Jehovah! ŋkɔm afo ama abiaŋa mbio-obio emi ye Jerusalem eti-eti, ete, Mbufo eyenyene emem: ndien ofut omosim ukpɔŋ (nnyin).

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

EZEKIEL 4:14

Ndien ndɔhɔ nte, O Ɔbɔŋ Jehovah, sese, ukpɔŋ mi akanam isabakede; ŋkonyuŋ ntaha se ikpade ikpɔŋ, ye se unam awaide, toto ke uyen mi tutu osim emi; ndek-ndek unam akanam inyuŋ idukke mi ke inua.

ZECHARIAH 2:4

Ndien ɔdɔhɔ enye, ete, Fehe kɔdɔhɔ akparawa emi, ete Jerusalem eyeduŋ obio-iŋwaŋ, oto ke uwak owo ye eke ufene eke edude ke esit.

JEREMIAH 34:6

Ndien Jeremiah prophet etiŋ kpukpru ikɔ emi ɔnɔ Zedekiah edidem Judah ke Jerusalem;