JEREMIAH 1:5 - Edisana ñwed Abasi Ibom

⁵ Ke mmeŋka-mbotke fi kaŋa ke idibi, mma mfiɔk fi; ke afo muka-unyuŋ utoho ke itieeyen, mma ndianare fi nnim nte prophet nnɔ mme idut.

JEREMIAH 1:5 Referans Kwoze

ŊWED MME PSALM 139:16

Enyin fo ekekut mi ke mitimke inam mi ima; ndien ekewet mmɔ kpukpru esin ke ŋwed fo, mmɔ esiak mi usen, ke ini baba mmɔ kiet mikaiduhe kaŋa.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

LUKE 1:41

Edikem, ke ini Elisabeth okopde ekɔm Mary, eyen ɔfrɔ ke idibi esie; ndien Elizabeth ɔyɔhɔ ye Edisana Spirit,

LUKE 1:76

Edi afo, eyen mi, eyekere prophet Andikoŋ-ŋkan: Koro afo eyebem Ɔbɔŋ iso ndidiɔŋ usuŋ Esie;

EXODUS 33:17

Ndien Jehovah ete Moses, Nyenam idem ŋkpɔ emi afo ɔdɔhɔde: koro nnende iso ye afo, mmonyuŋ mfiɔk enyiŋ fo.

JEREMIAH 1:10

Sese, mfin emi mmonim fi nte akan mme idut ye mme obio, onyuŋ odibere onyuŋ owuri, nte osobo onyuŋ abiat, nte ɔbɔp onyuŋ ɔtɔ.

EXODUS 33:12

Ekem Moses ɔdɔhɔ Jehovah, ete, Sese afo ɔmɔdɔhɔ mi, ete, Da mbio emi usuŋ; edi afo ukausianke mi enye emi afo edidɔŋde asaŋa ye ami: nte afo omonyuŋ ɔdɔhɔ ete ke ɔmɔfiɔk enyiŋ mi, omonyuŋ enen iso ye ami.

LUKE 1:15

Koro enye eyekpon ke iso Jehovah; idiŋwɔŋke wine ye ɔkpɔsɔŋ mmin; eyenyuŋ ɔyɔhɔ ye Edisana Spirit toto ke emana esie;

ŊWED MBON ROME 1:1

PAUL, owo Jesus Christ, emi Abasi okokotde ete edidi apostle, onyuŋ adianarede onim ɔnɔ gospel Esie

JEREMIAH 50:34

Andifak mmɔ edi ɔkpɔsɔŋ, Jehovah mme udim edi enyiŋ esie: enye iditreke ndikpe ikpe mmɔ, man anam isɔŋ etie suŋ, onyuŋ anam mme andiduŋ Babylon enyek idem.

ŊWED MBON EPHESUS 1:22

okonyuŋ ada kpukpru ŋkpɔ adak Enye ke ukot, onyuŋ ɔnɔ Enye ete edi Ibuot kpukpru ŋkpɔ, ɔnɔ ufɔn ufɔk Abasi,

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

ŊWED MME PSALM 139:15

Idem mi ikedibeke fi, ke ini ekenamde mi ke ndibe ebiet, enyuŋ ebanade mi ke idak isɔŋ.

JEREMIAH 1:4

Ndien uyo Jehovah edisim mi ete,

JEREMIAH 25:13

Ndien nyeda kpukpru ikɔ mi emi ŋkɔdɔhɔde mbaŋa isɔŋ oro ntiene enye, kpa kpukpru se ewetde ke ŋwed emi Jeremiah prophet etiŋde prophecy abaŋa kpukpru mme idut.

JEREMIAH 36:2

Da ikpa ŋwed ke idem fo, nyuŋ men kpukpru ikɔ oro ŋkɔdɔhɔde fi, mbaŋa Israel ye Judah ye kpukpru mme idut, ɔtɔŋɔde ke usen oro ŋkɔdɔhɔde ye afo, ɔtɔŋɔde ke eyo Josiah, tutu osim mfin emi, wet ke esit.

JEREMIAH 20:15

Osuk ɔdɔdiɔk ɔnɔ owo oro ɔkɔtɔtde ete, mi, ete, “Eyen-eren amamana ɔnɔ fi,” ke adat enye esit.