JAMES 4:2 - Edisana ñwed Abasi Ibom

² Mbufo ediɔk itɔŋ, ndien inyeneke; mbufo ewot owo, enyuŋ esin esit ke ŋkpɔ owo, ndien ikemeke ndida nnyene: mbufo eŋwana eŋwan, enyuŋ etop ekɔŋ: mbufo inyeneke, koro mbufo mibeŋeke.

JAMES 4:2 Referans Kwoze

JOHN 16:24

Tutu osim ini emi mbufo ikebeŋeke baba ŋkpɔ kiet ke enyiŋ Mi: ebeŋe, ndien mbufo eyebɔ, man idaresit mbufo ɔyɔhɔ.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

MME ŊKE 1:19

Mme usuŋ kpukpru mmɔ eke mbume ɔdɔŋde mmɔ, etie ntem; enye (mbume) ɔbɔ andinyene enye uwem.

HABAKKUK 2:5

Ndien ŋko wine abiaŋa, enye edi owo iseri, ndien itiehe suŋ: koro udɔŋ esie aŋwaŋade nte udi, enye onyuŋ ebiet mkpa, inyuŋ iyuhɔke, onyuŋ ataŋ kpukpru mme idut ke idem-esie, onyuŋ obon kpukpru mme obio ke ɔtɔ esie.

ISAIAH 7:12

Ndien Ahaz ɔdɔhɔ, ete, Ndibeŋeke, ndinyuŋ ndomoke Jehovah.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

JAMES 5:6

Mbufo emebiom edinen owo ikpe, emewot enye; enye iŋwanake ye mbufo.

1 JOHN 3:15

Kpukpru owo eke asuade eyen-ete esie edi obom: ndien mbufo efiɔk ete, baba obom kiet inyeneke nsinsi uwem ke esit esie.

1 NDIDEM 21:6

Ndien enye ete ŋwan, Koro ŋkɔdɔhɔde Naboth a Jezreel, nte enye, Nɔ mi iŋwaŋ-vine fo ke okuk; edi edieke afo amade, nyenɔ fi iŋwaŋ-vine efen ke ibuot esie: ndien enye ɔdɔhɔ ete, Ndinɔŋɔ fi ŋwaŋ-vine mi.