JAMES 3:3 - Edisana ñwed Abasi Ibom

³ Nnyin isin ukpaha ke inua enaŋ-mbakara ndinam mmɔ esuk ibuot enɔ nnyin, ntre ke nnyin iwɔŋɔre ofuri idem mmɔ.

JAMES 3:3 Referans Kwoze

ŊWED MME PSALM 32:9

Mbufo ekubiet horse ye mule: ibuot anana: mbaŋ mmɔ esine ukwak ye uruk ke eke ukpaha: mmɔ inyimeke ndisaŋa ŋkpere fi.

ŊWED MME PSALM 39:1

ŊKƆDƆHƆ nte, Nyekpeme usuŋ mi, man ŋkudue ke edeme mi: nyeda mkpaha ŋkpeme inua mi, ke ini anam-idiɔk osuk odude mi ke iso.

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

2 NDIDEM 19:28

Koro afo ayatde esit ye ami, koro iseri fo ama onyuŋ ɔdɔk ediduk mi ke utɔŋ; mmɔdo ndisinde fi mkpanuen mi ke ibuo, ye uruk mi ke mkpɔk-inua fo; ndien nyenam fi afiak ke usuŋ oro afo akasaŋade ke esit edi.

ISAIAH 37:29

Koro iyaresit fo ye ami, ye usɔŋ-enyin fo edɔkde ediduk mi ke utɔŋ, mmɔdo ndisinde fi mkpanuen mi ke ibuo, ye uruk mi ke mkpɔk-inua, ndien nyenam fi afiak ke usuŋ emi afo akasaŋade ke esit edi.

JAMES 3:4

Ese mme ubom ŋko, okposuk edi nte mmɔ ekponde ntem, ɔkpɔsɔŋ ofim onyuŋ anamde mmɔ esaŋa, eda ata ekpri ubɔi ewɔŋɔre mmɔ eka ke ŋkaŋ ekededi eke etie-ubɔi eberide ubɔi ɔnɔ.

ŊWED JOB 41:13

Anie ediyarare iso edisine-ŋkpɔ esie?