JAMES 3:2 - Edisana ñwed Abasi Ibom

² Koro kpukpru nnyin idedue ke ediwak ŋkpɔ. Edieke owo ekededi miduehe ke ikɔ-inua, enye ɔfɔn ama, onyuŋ ekeme ndikara ofuri idem esie nde.

JAMES 3:2 Referans Kwoze

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

MME ŊKE 13:3

Owo eke ekpemede inua esie onim uwem esiemɔ: ama edi owo eke aŋwaŋarede inua esie, nsobo edi esie.

1 PETER 3:10

Koro, Owo emi edimade uwem, Edinyuŋ oyomde ndikut edifɔn ini, Yak enye afara edeme esie ke idiɔk, onyuŋ ekpeme mkpɔk-inua esie okubiaŋa abiaŋa.

MATTHEW 12:37

Koro edito ikɔ fo ke ikpe etebe fi, edinyuŋ oto ikɔ fo ke ikpe obiom fi.

ŊWED MME PSALM 34:13

Kpeme edeme fo ke idiɔk, kpeme mkpɔk-inua fo ke abiaŋa.

MME ŊKE 20:9

Anie edidɔhɔ ete, “Mmeyet esit mi asana, mmeyet idiɔk-ŋkpɔ mi ke idem mi mfep?”

ECCLESIASTES 7:20

Koro baba eti owo kiet eke anamde eti ndien midiɔkke, iduhe ke ererimbot.

ŊWED MBON ROME 3:10

nte emi ewetde ete, Baba owo kiet eke enende iduhe, baba owo kiet;

JAMES 1:4

Edi yak ime anam utom esie ama, man mbufo efɔn ema enyuŋ esɔŋ ke ukpɔŋ, ekunana baba ŋkpɔ kiet.

1 NDIDEM 8:46

Adaŋemi mmɔ ediduede fi, (koro owo baba kiet eke miduehe fi miduhe), ndien afo ama ayat esit ye mmɔ, onyuŋ ayak mmɔ ɔnɔ mme asua mmɔ, ndien mmɔ eke emumde mmɔ etaŋ mmɔ efep, enyɔŋ ke isɔŋ mme asua mmɔ, edide anyan usuŋ, onyuŋ edide mkpet-mkpet;

JAMES 2:10

Koro owo ekededi eke edinimde ofuri ibet, edi eduede ke nde kiet kpɔt, amakabare edue isop ke ofuri ibet.

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.

1 ŊWED CORINTH 9:27

edi ntɔŋɔ idem mi ita, nnam enye oduk ufin, mbak, ke mma ŋkɔkwɔrɔ nnɔ owo eŋwen, ke usuŋ ekededi edisio mi ke idem mi eduɔk.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

ŊWED MBON COLOSSAE 4:12

Epaphras, owo mbufo kiet, emi edide owo Christ Jesus, ete ekɔm mbufo; enye edi owo emi aŋwanade kpukpru ini ke akam esie oyom ufɔn mbufo: man mbufo efɔn ema, enyuŋ etim efiɔk ofuri uduak Abasi.

ŊWED MBON COLOSSAE 1:28

Emi nnyin ikwɔrɔde, ida kpukpru eti ibuot iteme inyuŋ ikpep kpupru owo, man nnyin ida kpukpru owo inim ke iso Abasi nte efɔnde ema ke Christ.

ŊWED MBON GALATIA 3:22

Edi ŋwed Abasi okokui kpukpru ŋkpɔ abaha esin ke idak idiɔk-ŋkpɔ, man ekpemen uŋwɔŋɔ, emi otode ke eribuɔt-idem ye Jesus Christ, enɔ mmɔ emi enimde ke akpanikɔ.

ŊWED MBON ROME 7:21

Ŋkut emi ndien mbaŋa ibet nte, idiɔk-ŋkpɔ osuk ododu ye ami emi nyomde ndinam nti ŋkpɔ.

2 CHRONICLES 6:36

Adaŋemi mmɔ ediduede fi, (koro owo baba kiet eke miduehe, miduhe), ndien afo ediyatde esit ye mmɔ, edinyuŋ ayakde mmɔ ɔnɔ mme asua mmɔ, ndien mmɔ eke emumde mmɔ etaŋ mmɔ enyɔŋ ke isɔŋ eke oyomde, mme eke ekperede:

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

ŊWED MBON GALATIA 5:17

Koro obukidem ada udɔŋ esie aŋwana ye Spirit, Spirit onyuŋ ada udɔŋ Esie aŋwana ye obukidem; mmɔ mbiba ebiɔŋɔ kiet eken; man mbufo ekunam se mbufo eyomde ndinam.

ŊWED MME PSALM 39:1

ŊKƆDƆHƆ nte, Nyekpeme usuŋ mi, man ŋkudue ke edeme mi: nyeda mkpaha ŋkpeme inua mi, ke ini anam-idiɔk osuk odude mi ke iso.

MME ŊKE 10:19

Awak ikɔ inua itreke ndidue: edi owo eke omumde mkpɔk-inua esie akama edi ɔniɔŋ.

MME ŊKE 21:23

Owo eke ekpemede inua esie ye edeme esie, ekpeme ukpɔŋ esie ɔbɔhɔ ukut.

MATTHEW 12:34

Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

LEVITICUS 13:39

ndien, sese, edieke ediyama ŋkem ke ikpɔhidem mmɔ edide ntɔŋ-ntɔŋ; oro edi ndiɔŋ eke atade ikpɔhidem; enye asana.

ŊWED JOB 15:13

Eke esinde fi akabare esit fo asua Abasi, onyuŋ ayakde oruk ikɔ ntem ɔwɔrɔ ke inua fo?