JAMES 3:18 - Edisana ñwed Abasi Ibom

¹⁸ Ndien etɔ mfri edinen ido ke emem enɔ mme anam emem.

JAMES 3:18 Referans Kwoze

MATTHEW 5:9

Ɔfɔfɔn ɔnɔ mme anam emem: koro eyekot mmɔ nditɔ Abasi.

HOSEA 10:12

Mbufo ewari mkpasip ke idem mbufo ke nti ido, ndien mbufo eyekpeŋe nte ekemde ke ima (Abasi); mbufo ediɔŋ adaŋdaŋ ke idem mbufo: ndien ekem ke ini eke ekpeyomde Jehovah, tutu enye edikpep mbufo eti ido.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON GALATIA 6:8

Owo eke ɔtɔde ɔnɔ obukidem eyedɔk mbiara oto obukidem; edi owo eke ɔtɔde ɔnɔ Spirit, oto ke Spirit ke enye eyedɔk nsinsi uwem.

MME ŊKE 11:30

Mfri eti owo edi eto uwem; ndien eyene-ibuot owo omum ukpɔŋ.

MME HEBREW 12:11

Idahemi kaŋa kpukpru ntunɔ itiehe inem-inem, edi ababiak; edi ke ukperedem, enye oŋwum mfri emem ɔnɔ mmɔ emi ekebede ke nsiŋere esie, kpa mfri edisana ido.

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

JAMES 1:20

koro iyaresit owo miwɔrɔke edinen ido Abasi.

JOHN 4:36

Kpa ke idaha emi andikpeŋe ukpeŋe ke ɔbɔ ŋkpɔ-eyen-utom, onyuŋ ataŋ mbuŋwum ɔnɔ nsinsi uwem; man andisuan mkpasip ye andikpeŋe ukpeŋe ekpadara ɔtɔ kiet.

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

MME ŊKE 11:28

Owo eke ɔbuɔtde idem ke inyene esie eyeduɔ: edi nti owo eyesiaha nte ikɔŋ.

ŊWED MME PSALM 92:14

Eyesuk ekɔri ke usɔŋ, eyesehe enyuŋ esiak ikɔŋ.