JAMES 3:13 - Edisana ñwed Abasi Ibom

¹³ Anie ke otu mbufo enyene eti ibuot onyuŋ edi ɔniɔŋ? Yak enye ada eti edu esie owut ubɔkutom esie ke suŋ-suŋ ido eti ibuot.

JAMES 3:13 Referans Kwoze

ŊWED MBON GALATIA 5:23

ye ime, ye mfɔn-ido, ye eti ido, ye erinam akpanikɔ, ye ifure-ifure ido, ye mfara ke idem; baba ibet kiet ibiɔŋɔke oruk edu emi.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

MATTHEW 5:5

Ɔfɔfɔn ɔnɔ mmɔ eke enyenede ifure-ifure ido: koro mmɔ eyeda isɔŋ enyene.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

TITUS 3:2

Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

ŊWED MBON PHILIPPI 1:27

Ekam edu uwem ke otu mbio-obio mbufo nte odotde ye gospel Christ, man ye ndidide ndise mbufo ye mmonyuŋ ndige, nyekop mbaŋa itie mbufo, nte, mbufo esɔŋɔ eda enyene spirit kiet, ke enyuŋ eda esit kiet eŋwana eŋwan ebaŋa mbuɔtidem emi odude ke gospel;

1ŊWED TIMOTHY 6:11

Edi afo, O owo Abasi, fehe kpɔŋ mme ŋkpɔ emi; nyuŋ bine edinen ido, ye uteŋe Abasi, ye mbuɔtidem, ye ima, ye ime, ye nsuhɔre-esit.

JAMES 2:18

Owo ekeme ndidɔhɔ ete, Afo emenyene mbuɔtidem, ami mmonyuŋ nnyene erinam ŋkpɔ: wut mi mbuɔtidem eke misaŋake ye erinam ŋkpɔ, ndien ami nyeda erinam ŋkpɔ ŋwut fi mbuɔtidem mi.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

JAMES 1:21

Mmɔdo eduɔŋɔ kpukpru ndek-ndek ido ye nyɔhɔ-nsuhɔ udu, enyuŋ ebɔ ikɔ emi etɔde ke esit mbufo ke ododop, kpa ikɔ emi ekemede ndinyaŋa ukpɔŋ mbufo.

ECCLESIASTES 8:1

ANIE ebiet enyene-ibuot owo? Anie onyuŋ ɔfiɔk usuŋ nte asiakde ŋkpɔ? eti ibuot aŋwaŋa owo iso, ndien usɔŋ iso esie ɔkpuhɔre.

ŊWED MME PSALM 107:43

Owo ekededi eke enyenede ibuot eyetiŋ enyin ke ŋkpɔ emi, eyenyuŋ ekere ima Jehovah.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

2 ŊWED CORINTH 10:1

EDI ami Paul ke idem mi nda ifure-ifure ido ye mmem-ido Christ nnɔ mbufo uyo-ami emi ndide owo nsuk-idem ke iso mbufo, ke ini ndude ye mbufo, edi nsɔŋde inua ye mbufo, ke ini mmenduhe ye mbufo:

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

JAMES 3:1

NDITƆ-ETE mi, ediwak ke otu mbufo ekudi mme anditeme sia efiɔkde ete, ikpe nnyin emi idide mme anditeme eyesɔŋ akan.

ŊWED MBON EPHESUS 4:2

ke kpukpru nsuk-idem ye ifure-ifure ido, ye anyan ime;

ŊWED MBON GALATIA 6:4

Yak owo kiet kiet odomo utom esie ɔfiɔk, ekem enye eyenyene se enye oburede abaŋa ke idem esie ikpɔŋ, idibureke ke idem owo eŋwen.

ŊWED MBON GALATIA 6:1

NDITƆ-ETE, edieke ekutde owo ke ndudue ekededi, mbufo, emi edide mbon spirit, esaŋa ke spirit ifure-ifure ido, eda enye efiak esin ke itie; nyuŋ kpeme idem, mbak edidomo fi ŋko.

2 ŊWED CORINTH 8:24

Enam ŋkpɔ ke iso kpukpru mme ufɔk Abasi ewut mmɔ ima mbufo, ye ntak eke idade mbufo inam mbure.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

NUMBERS 12:3

Ndien Moses oro edi ata suŋ-suŋ owo, akan kpukpru owo emi edude ke iso ererimbot.

1 PETER 3:4

edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

1 ŊWED CORINTH 6:5

Mmɔdɔhɔ emi man but akpanam mbufo. Mme ɔwɔrɔ ete enyene-ibuot owo iduhe ke otu mbufo, emi ekemede ndibiere ikɔ ke ufɔt nditɔ-ete esie?

MATTHEW 7:24

Mmɔdo kpukpru owo eke ekopde ikɔ Mi emi, enyuŋ enimde mmɔ, nyedomo enye ye enyene-ibuot owo emi ɔbɔpde ufɔk esie ke enyɔŋ akamba itiat:

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

ISAIAH 60:6

Akwa udim camel eyefuk fi, mme dromedary Midian ye eke Ephah; kpukpru mmɔ eyeto ke Sheba, ebiom gold ye frankincense edi, eyenyuŋ ekwɔrɔ itoro Jehovah.

ECCLESIASTES 8:5

Owo eke onimde ewuhɔ idikwe baba idiɔk ŋkpɔ kiet: enyene-ibuot owo omonyuŋ ɔfiɔk ini ye edinen ido.

ŊWED MME PSALM 45:4

Nyuŋ da uyai fo doro (ke chariot) ka kan, baŋa akpanikɔ, ye emem, ye eti ido; ndien ubɔk nnasia fo eyeteme fi ŋkpɔ ndik.

ŊWED MME PSALM 25:9

Enye eyenam mbon nsukidem esaŋa ke erinen: onyuŋ eteme mbon nsukidem usuŋ esiemɔ.

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

1 PETER 1:15

edi kpa nte Andikot mbufo edide Edisana, mbufo nde ekabare esana ke ofuri edu uwem mbufo;

ŊWED MME PSALM 122:8

Yak ndɔhɔ ndien mbaŋa nditɔ-ete mi ye mme nsaŋa mi, nte, “Yak emem odu fi ke esit.”