JAMES 2:9 - Edisana ñwed Abasi Ibom

⁹ edi edieke mbufo eteŋede owo enyin, mbufo enam idiɔk-ŋkpɔ, ibet onyuŋ obiom mbufo ikpe, ete emebiat ibet.

JAMES 2:9 Referans Kwoze

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

JOHN 8:9

Edi ke ini mmɔ ekopde ibɔrɔ emi, mmɔ ewɔŋɔ kiet kiet, ɔtɔŋɔde ke ebiowo tutu osim ukperedem; ndien eyesuk Jesus ikpɔŋ, ye ŋwan oro ke ɔtɔ nte enye adade ke ufɔt.

1 JOHN 3:4

Kpukpru owo eke enamde idiɔk-ŋkpɔ ebiat ibet ŋko; ndien idiɔk-ŋkpɔ edi eribiat ibet.

ŊWED MBON ROME 3:20

koro ikpe iditebeke baba owo kiet ke iso Esie kabaŋa erinam utom ibet, koro ifiɔk idiɔk-ŋkpɔ otode ke ibet.

JOHN 16:8

Ndien ke ini Enye edidide, Enye eyemen ifiɔk abaŋa idiɔk-ŋkpɔ, ye edinen ido, ye ikpe, otuk ererimbot esit;

JOHN 8:46

Ewe owo ke otu mbufo ekeme ndiwut idiɔk-ŋkpɔ eke nnamde? Edieke ntiŋde akpanikɔ, nsinam mbufo minimke ikɔ Mi?

JUDE 1:15

Ndikpe ikpe ye kpukpru owo, ndinyuŋ mbiom kpukpru mmɔ emi mibakke Enye ikpe Mbaŋa kpukpru mbukpo ido eke mmɔ enamde, Ye kpukpru mkpɔsɔŋ ikɔ eke mmɔ emi mibakke Enye eketiŋde edian Enye.

ŊWED MBON GALATIA 2:19

Koro ŋkada ibet ŋkpa ŋkpɔŋ ibet, man ŋkpodu uwem nnɔ Abasi.

1 ŊWED CORINTH 14:24

Edi edieke kpukpru mbufo esiakde uduak-Abasi, ndien owo emi minimke ke akpanikɔ minyuŋ ifiɔkke ŋkpɔ oduk edi, ikɔ mbufo kpukpru eyeyarare idem esie owut enye, onyuŋ odomo enye;

DEUTERONOMY 1:17

Mbufo ekuteŋe owo enyin ke ikpe: ekop uyo ekpri owo, kpa nte uyo akamba owo; mbufo ekubak iso owo; koro ikpe edide eke Abasi: ndien mbufo eda ikɔ eke ɔsɔŋde akan mbufo, esɔk mi man ŋkop enye.

UTOM MME APOSTLE 10:34

Ndien Peter atat inua esie ete,