Biblia Todo Logo
Bib sou entènèt

- Piblisite -




JAMES 1:27 - Edisana ñwed Abasi Ibom

27 Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

Gade chapit la Kopi




JAMES 1:27
36 Referans Kwoze  

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.


Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.


Edi edieke ebe-akpa enyenede nditɔ mme nditɔ nditɔ, yak mmɔ oro ekpep ndibem nnam se idotde ye mbon ufɔk, nnyuŋ nsio usiene nnɔ mme eka mmɔ; koro emi ɔfɔnde Abasi ke enyin.


ƆFƆFƆN ɔnɔ mmɔ eke usuŋ mmɔ ɔfɔnde ama, eke esaŋade ke ŋwed ido Jehovah.


Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.


Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.


Abasi edi ete nditɔ-akpa, ye ebierikpe mme ebe-akpa, ke edisana iduŋ esie.


Ɔfɔfɔn ɔnɔ mmɔ eke esit mmo asanade: koro mmɔ eyekut Abasi.


Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.


Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.


Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.


Edi nsa mi ndibure mbure, ibɔhɔke ke cross Ɔbɔŋ nnyin Jesus Christ, emi ekɔŋde ererimbot do ewot enɔ mi, enyuŋ ekɔŋde mi do ewot enɔ ererimbot.


Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:


Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.


ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.


Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.


Ndien owo ekededi eke editiŋde ikɔ adian Eyen Owo, eyefen enye; edi owo ekededi eke editiŋde ikɔ adian Edisana Spirit, idifenke enye, ye edide ke eyo emi ye onyuŋ edide ke eyo emi edidide.


koro idige mme okop-ibet edi ndinen owo ke iso Abasi, edi ikpe eyetebe mme enim-ibet.


Edi otim ayarare ete ikpe itebeke baba owo kiet ke iso Abasi ke ntak erinim ibet: edi ete, Edinen owo edida mbuɔtidem odu uwem.


emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.


onyuŋ ekpep nnyin ŋkpɔ, man oto do nnyin idianare ikpɔŋ idiɔk ido ye idiɔk udɔŋ ererimbot, idu uwem ke eti ibuot ye edinen ido ye ido Abasi ke eyo emi;


Nnyin ida edeme itoro Ɔbɔŋ ye Ete nnyin; inyuŋ ida enye isuŋi owo, emi ebotde ke mbiet Abasi:


emi Enye okonyuŋ adade ɔnɔ nnyin mme uŋwɔŋɔ eke esɔŋde urua enyuŋ ekponde eti-eti; man mbufo eda mmɔ ekabare ebuana ke uduot Abasi, ke ema ekebɔhɔ mbiara emi idiɔk itɔŋ esinde ke ererimbot;


Koro edieke mmɔ ema ekesaŋa ke ifiɔk Ɔbɔŋ ye Andinyaŋa nnyin Jesus Christ ebɔhɔ se isabarede owo uwem ke ererimbot, ndien mmɔ etɔŋɔ ntak ekɔmɔ ke esit, enyuŋ eyak ŋkpɔ oro akan mmɔ ubɔk, akpatre itie mmɔ akabare ɔdiɔk akan akpa.


Mmɔdo ndima, sia mbufo etiede ebet mme ŋkpɔ emi, enyene ifik ndien, man Enye okposim mbufo nte etiede ke emem, enana ntɔi, enyuŋ enana ndo ke enyin Esie.


Swiv nou:

Piblisite


Piblisite