JAMES 1:26 - Edisana ñwed Abasi Ibom

²⁶ Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

JAMES 1:26 Referans Kwoze

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

ŊWED MME PSALM 141:3

O Jehovah, nim mbon-ukpeme nɔ inua mi; kpeme usuŋ mkpɔk-inua mi.

1 PETER 3:10

Koro, Owo emi edimade uwem, Edinyuŋ oyomde ndikut edifɔn ini, Yak enye afara edeme esie ke idiɔk, onyuŋ ekpeme mkpɔk-inua esie okubiaŋa abiaŋa.

ŊWED MBON EPHESUS 5:4

Ekunyuŋ eyak etiŋ ndek-ndek ikɔ, mme ndisime ikɔ, mme ikɔ idiɔk mbubru, emi midotke mbufo: edi ekam enɔ Abasi ekɔm.

MME ŊKE 19:1

UBUENE eke asaŋade ke mfɔn-mma esie, ɔfɔn akan owo ŋkwaŋa inua eke edide ndisime.

ŊWED MME PSALM 34:13

Kpeme edeme fo ke idiɔk, kpeme mkpɔk-inua fo ke abiaŋa.

MME ŊKE 10:31

Inua nti owo osioŋo mbufiɔk: edi eyesibe ukwaŋ edeme efep.

MME ŊKE 10:19

Awak ikɔ inua itreke ndidue: edi owo eke omumde mkpɔk-inua esie akama edi ɔniɔŋ.

ŊWED MBON COLOSSAE 4:6

Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.

JAMES 1:22

Yak mbufo edi mme anam-ikɔ, ekudi mme andikokop ikpɔŋ-ikpɔŋ, ebiaŋa idem.

JAMES 1:19

Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

MME ŊKE 16:25

Enyene usuŋ eke enende ke iso owo, edi utit esie edi usuŋ mkpa.

LUKE 8:18

Etiŋ enyin ekpeme ndien adaŋa nte mbufo ekopde: koro owo ekededi eke enyenede, eyenɔ enye edian; edi owo ekededi eke minyeneke, eyebɔ enye kpa se enye esede ete imɔ inyene.

ŊWED MBON GALATIA 6:3

Koro edieke owo abatde idem ke ŋkpɔ ke ini enye midige ŋkpɔ, enye ababiaŋa idem.

MME ŊKE 14:12

Enyene usuŋ eke enende ke iso owo: ndien utit esie edi usuŋ mkpa.

DEUTERONOMY 11:16

Mbufo ekpeme idem, mbak esit edibiaŋa mbufo, mbufo edinyuŋ ekabare enam ido mme abasi eŋwen, enyuŋ enuhɔ enɔ mmɔ;

ŊWED MBON GALATIA 2:6

Edi mmɔ oro ebatde ke ikpɔ owo (mmɔ edi se ededi, ibeheke mi do; Abasi iteŋeke owo enyin)—mme ɔwɔrɔ-etop oro ikɔrɔke mi baba obufa item kiet;

MARK 7:7

Edi mmɔ ekpono Mi ikpikpu, Sia ekpepde item owo ke ukpep-ŋkpɔ mmɔ.

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

MME ŊKE 21:26

Itɔŋ ɔdɔŋ enye ofuri usen: edi eti owo ɔnɔ, inyuŋ isinke.

1 ŊWED CORINTH 15:2

emi enyuŋ edade enye enyaŋa mbufo, adaŋa nte mbufo esɔŋɔde emum nte ŋkɔkwɔrɔde enye ekama, ibɔhɔke mbuɔtidem mbufo ama ɔwɔrɔ ikpikpu.

MATTHEW 15:9

Edi mmɔ ekpono Mi ikpikpu, Sia ekpepde item owo ke ukpep-ŋkpɔ mmɔ.

MALACHI 3:14

Mbufo ke edɔhɔ ete, Ndinam ŋkpɔ Abasi ɔwɔrɔ ikpikpu: nnyin inyuŋ ikut nso udori, koro inimde item esie, inyuŋ isaŋade mfuhɔ-mfuhɔ ke iso Jehovah mme udim?

ISAIAH 1:13

Mbufo ekuda aba uwa nsu edi; mmese incense ke ŋkpɔ mbubiam; kpa ntre ke nse ɔfiɔŋ, ye sabbath, ye erikot esop: ŋkwe nte nyɔde idiɔk ido ye ederi.

1 ŊWED CORINTH 15:15

Ndien eyarare ekut ete nnyin idi mme ntiense nsu inɔ Abasi; ke emi nnyin iketiŋde ikɔ idian Abasi, ite Enye akanam Christ eset; emi Enye mikanamke eset, edieke anade nte minamke mme akpa-mkpa eset.

MME ŊKE 16:10

Ikɔ Abasi odu ke mkpɔk-inua edidem: inua esie iduhe ke ikpe.

MME ŊKE 15:2

Edeme enyene-ibuot owo anam ifiɔk ɔfɔn: edi inua mbon ndisime aŋwaŋa ebiɔ.

ŊWED MME PSALM 32:9

Mbufo ekubiet horse ye mule: ibuot anana: mbaŋ mmɔ esine ukwak ye uruk ke eke ukpaha: mmɔ inyimeke ndisaŋa ŋkpere fi.

JAMES 2:20

Edi nte afo, O ndisime owo, eyekam ɔfiɔk ete, erinim ke akpanikɔ eke misaŋake ye erinam ŋkpɔ iŋwumke mfri?

ŊWED MBON GALATIA 3:4

Nte ekokut uwak ukut ntem ke ikpikpu? edike edide ke ikpikpu ke akpanikɔ.

ŊWED MBON GALATIA 2:9

ke ini mmɔ efiɔkde ufɔn eke Abasi ɔkɔnɔde mi, James ye Cephas ye John, emi ebatde mmɔ nte mme adaha, ekam enɔ mi ye Barnabas ubɔk nnasia nsaŋa, ete nnyin itiene mme Gentile, mme imɔ inyuŋ itiene mme ana-mbobi.

1 ŊWED CORINTH 3:18

Owo okubiaŋa idem. Edieke owo mbufo ekededi esede idem ke enyene-ibuot owo ke eyo emi, yak enye akabare edi ndisime, man enye ɔfiɔk ŋkpɔ.

ŊWED JOB 15:13

Eke esinde fi akabare esit fo asua Abasi, onyuŋ ayakde oruk ikɔ ntem ɔwɔrɔ ke inua fo?

ŊWED JOB 30:11

Koro enye amatat uruk mi onyuŋ otuk mi, mmɔdo mmɔ eyak uruk inua ke iso mi.