JAMES 1:14 - Edisana ñwed Abasi Ibom

¹⁴ Edi idomo iduɔ osim kpukpru owo ke adaŋemi idiɔk udɔŋ atapde enye odudi.

JAMES 1:14 Referans Kwoze

ŊWED MBON EPHESUS 4:22

emi ekemde ye ido uwem mbufo ke eyo oko, onyuŋ ɔdiɔŋde diɔŋ abiara oto ke eritiene eke mbufo etienede idiɔk itɔŋ eke ebiaŋade owo;

MATTHEW 15:18

Edi ŋkpɔ eke ewɔŋɔde owo ke inua eto ke esit; edi mmɔ esabare owo.

MME HEBREW 3:13

Edi enɔ kiet eken item kpukpru usen adaŋa nte ini ekerede mfin mbak, idiɔk-ŋkpɔ edida abiaŋa esie ɔsɔŋ owo ekededi ke otu mbufo esit:

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

ŊWED MBON ROME 7:13

Nte se ifɔnde amakabare edi mkpa ndien ɔnɔ mi? Idige ntre. Edi idiɔk-ŋkpɔ akabare edi mkpa, man idiɔk-ŋkpɔ owut ete imɔdiɔk ke erida se ifɔnde nnam mkpa nnɔ mi; man idiɔk-ŋkpɔ akpada item akabare ɔdiɔk ebe adaŋa.

MME ŊKE 4:23

Tim kpeme esit fo kan kpukpru se ekpemede; koro uwem otode enye.

MATTHEW 5:28

edi Ami ndɔhɔ mbufo nte, Owo ekededi eke esede ŋwan ke enyin use ama esin efibe ye enye ama ke esit esie.

ŊWED MBON ROME 7:11

Koro idiɔk-ŋkpɔ asaŋa ke item okut ifet ndibiaŋa mi, onyuŋ ada item oro owot mi.

ŊWED JOB 31:27

Ndien etap esit mi ke ndibe, nnyuŋ ntem ubɔk mi ke inua mi:

ŊWED JOB 31:9

Edieke nyakde esit mi etiene ŋwan, nnyuŋ ndibe ke inua-otop mbɔdiduŋ mi:

MATTHEW 15:20

Mmɔ emi edi se isabarede owo; edi ndidia ŋkpɔ ye ubɔk eke miyetke isabakere owo.

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

HOSEA 13:9

O Israel, afo omosobo idem fo: koro afo asuade mi andinyaŋa fi.

GENESIS 3:6

Ekem ŋwan okut nte eto oro ɔfɔnde ke udia, nte onyuŋ eyede ke enyin, nte eto onyuŋ enemde ndise, ndien enye ada mfri esie adia; onyuŋ ɔnɔ ebe esie ŋko, ndien enye adia.

2 SAMUEL 11:4

Ndien David ɔdɔŋ mme isuŋutom ekeda enye edi; ndien enye (ŋwan) edi ke ebiet esie; enye onyuŋ okot ŋwan oro: ndien adaŋemi enye ekeyetde ndek esie efep, enye ɔnyɔŋ ke ufɔk esiemɔ.

MATTHEW 4:1

EKEM Spirit ada Jesus ɔdɔk aka ke desert, man Satan odomo Enye.

JAMES 1:13

Ke ini idomo iduɔ osimde owo, enye okudɔhɔ ete, ke edi Abasi odomo imɔ: koro idomo iduɔ ikemeke ndisim Abasi, Enye ke Idem Esie inyuŋ idomoke owo man enye ɔduɔ.

JAMES 1:15

Ekem idiɔk udɔŋ ama oyomo, aman idiɔk-ŋkpɔ; idiɔk-ŋkpɔ ama ɔkɔkɔri, osioŋo mkpa.