JAMES 1:11 - Edisana ñwed Abasi Ibom

¹¹ Koro utin asiahade asaŋa ye ufiop-ufiop ofim ɔfɔp mbiet; ndien ndiye ikɔŋ esie ekibe eduɔŋɔ, uyai mmɔ onyuŋ abiara: ntre ke owo inyene edinyuŋ eyemere ke mbubine esie.

JAMES 1:11 Referans Kwoze

MARK 4:6

koro ntan mituŋɔke; ekem ke ini utin asiahade, ɔfɔp mmɔ; ndien sia minyeneke oruŋ eyemere.

MATTHEW 13:6

enyuŋ etibe idaha oro, koro ntan mituŋɔke: edi ke ini utin asiahade, ɔfɔp mmɔ; ndien sia minyeneke oruŋ, eyemere.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

1 PETER 1:4

ete nnyin idida udeme eke mikemeke ndibiara, eke ŋkpɔ misabakere, eke minyuŋ ikemeke ndibe mfep, inyene.

1 ŊWED CORINTH 7:31

mmɔ emi edade ererimbot enam ŋkpɔ enyuŋ edu uwem nte mmɔ emi minɔhɔke ke esit.

ŊWED MME PSALM 102:4

Ebɔŋ mi esit, esit onyuŋ eyemere nte mbiet: koro mmefre ndidia udia mi.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

ISAIAH 28:4

Ndien ediyemere flower ediye mbana esie emi odorode ke ibuot eti itihere isɔŋ esie, eyebiet ŋwara-ndat fig ke ini utet mika-ikemke kaŋa: emi andise okutde, ndien ke osuk odude ke ubɔk esie, emen enye adia.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ECCLESIASTES 5:15

Kpa nte enye okotode eka esie ke idibi, kpa ntre ke enye edida iferi ɔnyɔŋ aka, kpasuk nte emi enye ekedide, ndien enye idibɔhɔ baba ŋkpɔ kiet ke ɔkpɔsɔŋ utom esie, eke enye akamade ke ubɔk aka.

ŊWED MME PSALM 102:11

Mme usen mi ebiet ukpɔŋ eke ɔwɔrɔde uniɔŋ; nnyuŋ nyemere nte mbiet.

ŊWED MME PSALM 37:2

Koro eyewara ndisibe mmɔ nte mbiet, mmɔ eyenyuŋ ekeŋe nte awawa ikɔŋ.

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

ŊWED MME PSALM 90:6

Ɔkɔri ke usenubɔk nte mbiet; ke usenubɔk ke enye otibe, ndien ɔkɔri; ke mbubreyo ke esibe enye efep, ndien enye akpa.

ŊWED MME PSALM 103:15

Ama edi owo, mme usen esie etie nte mbiet: nte ikɔŋ iŋwaŋ, kpa ntre ke enye asiaha.

MATTHEW 6:30

Edi edieke Abasi esinede mbiet iŋwaŋ nkpɔ ntem, kpa mbiet eke odude mfin, ndien mkpɔŋ emen esin ke usaŋ-uyo, nte Enye idisineke mbufo ŋkpɔ ikan, O mbufo nditɔ ekpri mbuɔtidem?

MATTHEW 20:12

Mme ekperedem emi ema enam utom hour kiet kpɔt, ndien afo anam mmɔ edi ukem ye nnyin, emi ikobiomde mbiomo usen inyuŋ ifɔbɔde eyo.

2 SAMUEL 22:46

Nditɔ isen owo eyeyemere, enyuŋ edikhe ke ebiet udibe mmɔ.