ISAIAH 9:9 - Edisana ñwed Abasi Ibom

⁹ Ndien ofuri obio, kpa Ephraim, ye mme andiduŋ Samaria, emefiɔk, emi edɔhɔde ke iseri ye mkpon-esit, ete,

ISAIAH 9:9 Referans Kwoze

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MALACHI 3:13

Jehovah ɔdɔhɔ ete, Mbufo emesɔŋɔ uyo ye ami. Ndien mbufo ke ebup, ete, nnyin idɔhɔ didie idian fi?

EZEKIEL 33:33

ndien ke ini enye edide (sese, ke edi) mmɔ eyefiɔk, ndien, ete ke prophet kiet okodu ke otu mmɔ.

EZEKIEL 30:19

Ndien nyenam ikpe ke Egypt: ndien mmɔ eyefiɔk ete ke ami ndi Jehovah.

EZEKIEL 7:27

Edidem eyetua, ɔbɔŋ eyeda mkpa-idem esine, ubɔk eyenyuŋ etimere mbio-obio: nyenam mmɔ nte ekemde ye usuŋ mmɔ, nnyuŋ nda ikpe mmɔ ŋkpe ye mmɔ: ndien mmɔ eyefiɔk ete ke ami ndi Jehovah.

EZEKIEL 7:9

Enyin mi idinyuŋ ituaha fi mbɔm, ndinyuŋ nyakke: nyenɔ fi nte ekemde ye usuŋ fo; ŋkpɔ mbubiam fo eye-nyuŋ edu ke ufɔt fo; ndien mbufo eyefiɔk ete ke edi ami Jehovah mmia.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

ISAIAH 48:4

Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

1 NDIDEM 22:25

Ndien Micaiah ɔbɔrɔ ete, Sese, afo eyekut ke usen emi afo edidukde ke esit ubet okodibe.

ISAIAH 7:2

Ndien etɔt ufɔk David, ete, Syria ke ɔsuhɔre etie ke otu Ephraim. Ndien esit enyek enye, onyuŋ enyek ikɔt esie, kpa nte ini ofum enyeŋede eto akai.

ISAIAH 9:8

Ɔbɔŋ ɔnɔ uyo esɔk Jacob, ndien enye ɔduɔ ke otu Israel.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ISAIAH 28:3

Eyeda ukot edigi edikoŋ anyanya mbon mmin Ephraim.

HOSEA 8:14

Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”