ISAIAH 9:6 - Edisana ñwed Abasi Ibom

⁶ Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

ISAIAH 9:6 Referans Kwoze

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

ISAIAH 53:5

Edi enye akada unan abaŋa mme idiɔk ido nnyin, anuaha abaŋa mme ukwaŋ-ŋkpɔ nnyin: ufen odoro enye ke idem man nnyin ikut emem; ndien inia esie ɔkɔk nnyin.

ISAIAH 28:29

Kpa emi ŋko oto Jehovah mme udim; enye aduak utibe ŋkpɔ, onyuŋ okpon ke ifiɔk.

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

ŊWED MME PSALM 45:6

O Abasi, ebekpo fo odu ke nsinsi: mmɔnyɔ edinen ido edi mmɔnyɔ ubɔŋ fo.

ISAIAH 10:21

Ubak eke ɔsuhɔde, ubak Jacob eke ɔsuhɔde, eyefiak etiene Ata Ɔkpɔsɔŋ Abasi.

JUDGES 13:18

Ndien angel Jehovah ɔdɔhɔ enye, ete, Nsinam afo obupde enyiŋ mi? ŋkɔm enye edi utibe.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

MME HEBREW 1:8

Edi Enye ɔdɔhɔ abaŋa Eyen, ete, Ebekpo Fo, O Abasi, ebigi ke nsinsi; Mmɔnyɔ edinen ido edi mmɔnyɔ Ubɔŋ Fo.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

JOHN 1:16

Koro nnyin kpukpru ikɔbɔ mfɔn ikɔrɔ ke mfɔn oto ke uyɔhɔ Esie.

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

ŊWED MME PSALM 72:7

Edinen owo eyefiari ke eyo esie; ye ediwak emem ŋko tutu ɔfiɔŋ okure.

ŊWED MBON COLOSSAE 2:3

emi ofuri inyene ɔniɔŋ ye ifiɔk edibede enye ke idem.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

MME ŊKE 8:23

Ke eyo oko ke ekeyet mi aran enim, ke eritɔŋɔ, ke ererimbot mika-iduhe.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

ISAIAH 53:2

Ndien enye okotibe nte nsehe ke iso esie, ye nte oruŋ eke otode edisat isɔŋ: enye inyeneke ubɔŋ, inyuŋ inyeneke uyai; ndien nnyin ise enye, edi inyeneke ŋwut-idem eke nnyin ikoyomde enye.

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

ŊWED MME PSALM 72:3

Ikpɔ ye ŋkpri obot eyeŋwum ifure enɔ mbio-obio, ke edinen ido.

ŊWED MME PSALM 45:3

Owo uko, bɔp ofut fo ke ifuhi fo, kpa ubɔŋ fo ye uyai fo.

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

JEREMIAH 31:22

Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

ISAIAH 26:12

O Jehovah, afo eyenɔ nnyin emem: koro afo amanam idem kpukpru utom nnyin ɔnɔ nnyin.

ISAIAH 26:3

Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

ŊWED MME PSALM 85:10

Ima ye akpanikɔ emesobo ɔtɔ kiet; erinen ye emem emetim kiet eken inua.

ŊWED MME PSALM 72:17

Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.

ŊWED MME PSALM 50:1

ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.

ISAIAH 8:18

Sese ami ye nditɔ emi Jehovah ɔnɔde mi, idi mme idiɔŋɔ ye ŋkpɔ ndyɔ ke Israel, ito Jehovah mme udim emi oduŋde ke obot Zion.

ISAIAH 66:12

Koro ntem ke Jehovah ɔdɔhɔ, ete, Sese, ami mmɔŋ nnyanare emem nnɔ enye nte akpa mmɔŋ, ye ubɔŋ mme idut nte idim mmɔŋ eke eyɔhɔde ada mben: ndien mbufo eyewap eba, eyekɔhɔ ke ŋkaŋ, owo eyenyuŋ etem mbufo ke edɔŋ.

MATTHEW 1:1

ŊWED emana Jesus Christ, eyen David, eyen Abraham.

ISAIAH 16:5

Ndien eyenim ebekpo ke ima: owo kiet eyenyuŋ ada akpanikɔ etie ke esit ke tent David, ebiere ikɔ, ebine edinen ikpe, onyuŋ awara ndinam se inende.” Nnyin ikokop iseri Moab; ke eseri iseri eti-eti:

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

HAGGAI 2:9

Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.

2 SAMUEL 7:13

Enye eyebɔp ufɔk ɔnɔ enyiŋ mi, nyenyuŋ nnam ebekpo ubɔŋ esie ɔsɔŋ ada ke nsinsi.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

1 NDIDEM 2:33

Ntem ke iyip mmɔ edifiak odoro Joab ke ibuot, ye ke ibuot ubon esie ke nsinsi: edi David, ye ubon esie, ye ufɔk esie, ye ebekpo esie enyenyene ifure ke nsinsi oto Jehovah.

1 NDIDEM 2:45

Ndien eyefɔn ye Solomon edidem, ebekpo David eyenyuŋ ɔsɔŋ ada ke iso Jehovah ke nsinsi.

1 NDIDEM 10:9

Etoro Jehovah Abasi fo, emi amade fi, onyuŋ emende fi odori ke ebekpo Israel: koro Jehovah amade Israel ke nsinsi esin enye onim fi ke edidem, man afo ekpe ikpe eke enende.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ŊWED MME PSALM 89:5

Ndien ikpa-enyɔŋ otoro utibe ŋkpɔ fo, O Jehovah, ye akpanikɔ fo ŋko ke esop ndisana owo.

ISAIAH 11:5

Ndien edinen ido eyedi ubɔp-ŋkpɔ idem esie, akpanikɔ eyenyuŋ edi mbɔbɔ esie.

ISAIAH 32:1

SESE, edidem kiet eyekama obio nte enende; ama edi mbɔŋ, mmɔ ŋko eyeda ubɔŋ ke eti ido.

ISAIAH 37:32

koro mmɔ eke esuhɔde eyeto ke Jerusalem, ubak eke ɔbɔhɔde eyenyuŋ oto ke obot Zion: ufup Jehovah mme udim edinam emi.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.