ISAIAH 9:5 - Edisana ñwed Abasi Ibom

⁵ Koro kpukpru ŋkpɔ ekɔŋ eke owo ekɔŋ adade oduk ke ekɔŋ, ye ɔfɔŋ-idem eke ewerede ke iyip, edi se edifɔpde udia ikaŋ.

ISAIAH 9:5 Referans Kwoze

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

NAHUM 3:2

uyom ikpa, ye uyom mme wheel, mme horse enyuŋ ekanade ekuk, mme chariot enyuŋ efrɔ:

JOEL 2:5

Efefrɔ ke enyɔŋ ikpɔ obot, ebiet uyom chariot: ebiet mkprak edemikaŋ eke atade etak ibokpot, ebiet mkpɔsɔŋ mbio eke etimde udim ekɔŋ.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ŊWED MME PSALM 46:9

Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

UTOM MME APOSTLE 2:19

Ndien nyenɔ mme utibe ŋkpɔ ke ikpa-enyɔŋ ke enyɔŋ, Ye mme idiɔŋɔ ke isɔŋ ke idak; Iyip ye ikaŋ ye uye nsuŋikaŋ:

ISAIAH 4:4

Ke ini Ɔbɔŋ edidade spirit ikpe ye spirit ufɔp eyet nditɔ-iban Zion ndek ke idem efep, onyuŋ osio Jerusalem iyip ke esit efep.

1 SAMUEL 14:19

Edikem ke ini Saul osuk ɔdɔhɔde ye oku, mkpo oro odude ke nna-ekɔŋ mme Philistine ɔdɔdiɔŋ ɔdɔk aka iso. Ndien Saul ɔdɔhɔ oku, ete, Sio ubɔk fo.

LEVITICUS 3:16

Ndien oku ɔfɔp mmɔ ke itie-uwa; udia eke efɔpde ke ikaŋ, edinem utebe, kpa ofuri ikpɔŋ, enɔ Jehovah.

LEVITICUS 3:11

Ndien oku edifɔp enye ke itie-uwa: udia eke efɔpde enɔ Jehovah.

UTOM MME APOSTLE 2:3

Mmɔ enyuŋ ekut mme edeme eke esakde ikaŋ, nte edemede idem edoro mmɔ ke ibuot, edeme kiet ke owo kiet, edeme kiet ke owo kiet.

JEREMIAH 47:3

Uyom ntim ikpat mkpɔsɔŋ horse esie, ye mkpo chariot esie, ye uyom wheel esie, esin mme ete ekukabare ese nditɔ oto ke mmem-ubɔk mmɔ;

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

ISAIAH 13:4

Uyom ediwak owo ke ikpɔ obot! ebiet akwa otu owo! uyom ndutime mme idut, ke ebono: Jehovah mme udim ke otim udim ekɔŋ.

ŊWED MME PSALM 72:3

Ikpɔ ye ŋkpri obot eyeŋwum ifure enɔ mbio-obio, ke edinen ido.

ISAIAH 2:4

Ndien enye eyekpe ikpe ke otu mme idut, onyuŋ ebiere ikɔ ɔnɔ ediwak obio: ndien mmɔ eyeda ofut mmɔ edom ŋkpɔ ufuŋ isɔŋ, eda eduat mmɔ edom ikwa udiɔŋ vine: idut idimenke ofut itiene idut, mmɔ idinyuŋ ikpepke aba ekɔŋ.

ISAIAH 9:4

Koro afo omobuŋ ɔkpɔnɔ mbiomo esie, ye eto afara esie, ye esaŋ andifik enye, kpa nte akanamde ke usen Midian.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

GENESIS 32:30

Jacob do. Ndien Jacob osio ebiet oro enyiŋ Peniel: koro mma ŋkut Abasi iso ye iso, enye onyuŋ onim mi uwem.

EXODUS 23:21

Kpeme idem fo bak enye, nyuŋ kop uyo esie, kuyat enye esit: koro enye midifenke mme idiɔk ido mbufo: koro enyiŋ mi odude enye ke idem.

JUDGES 13:18

Ndien angel Jehovah ɔdɔhɔ enye, ete, Nsinam afo obupde enyiŋ mi? ŋkɔm enye edi utibe.

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

MICAH 5:1

SƆP idem, ndien, O adiaha udim: enye akan nnyin okuk: mmɔ eda eto eyibi ebier-ikpe Israel ke mbaŋ.

ZECHARIAH 6:13

kpa enye edibɔp temple Jehovah; enye eyenyuŋ ada ubɔŋ, ndien enye eyetie ke ebekpo esie, onyuŋ akara; onyuŋ edi oku etie ke ebekpo esie: uduak emem eyenyuŋ odu ke ufɔt mmɔ mbiba.