ISAIAH 9:3 - Edisana ñwed Abasi Ibom

³ Afo amanam idut ɔtɔt, amanam idaresit esie okpon: mmɔ edat esit ke iso fo, kpa nte edatde esit ke ini ukpeŋe, kpa nte ebrede ke ini mmɔ edemede mbume.

ISAIAH 9:3 Referans Kwoze

ŊWED MME PSALM 119:162

Ikɔ fo enem mi esit, kpa nte owo eke ɔfiɔhɔde ediwak mbume.

1 PETER 1:8

Akanam mbufo ikwe Enye, edi emama Enye. Okposuk edi nte mbufo mikwe Enye ke emi, mbufo ebuɔt idem ye Enye, enyuŋ esɔŋɔ edara ye idaresit eke ayaŋade owo nditiŋ onyuŋ ɔyɔhɔde ye ubɔŋ;

ISAIAH 26:15

Afo anam idut ɔtɔt, O Jehovah, anam idut ɔtɔt; ada ukpono; anam kpukpru adaŋa isɔŋ etara.

ISAIAH 66:10

Mbufo ebre ye Jehovah, enyuŋ edara ebaŋa enye, kpukpru mbufo emi emade enye: kpukpru mbufo emi etuade enye, edara idara ye enye:

ISAIAH 65:18

Edi mbufo edat esit, enyuŋ ebre nsinsi ke se ami mbotde: koro, sese, ami mbot Jerusalem ke ŋkpɔ inemesit, mbot mbio esie ke ŋkpɔ idaresit.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

1 SAMUEL 30:16

Ekem adaŋemi enye akadade enye ɔsuhɔre, sese, mmɔ efuk ofuri iso isɔŋ, ke edia ŋkpɔ, enyuŋ eŋwɔŋ, enyuŋ enek unek, ebaŋa adaŋa ekese mbume oro mmɔ ekebumede ke isɔŋ mme Philistine, ye ke isɔŋ Judah.

LUKE 11:22

edi ke ini owo emi okopde idem akan enye edide eŋwan ye enye onyuŋ akande enye, owo oro ɔbɔ enye kpukpru ŋkpɔ-ekɔŋ esie eke enye ɔkɔbuɔtde idem ke esit, onyuŋ edeme mbume esie.

ŊWED MME PSALM 4:7

Afo esin mi idara ke esit akan ini eke ibokpot mmɔ ye wine mmɔ ewakde.

ŊWED MBON PHILIPPI 4:4

Edat esit ke Ɔbɔŋ kpukpru ini; nyetɔŋɔ ntak ndɔhɔ, Edat esit.

ZECHARIAH 10:8

Nyesi ŋkot mmɔ, nnyuŋ ntaŋ mmɔ mbon; koro mmafak mmɔ: ndien mmɔ eyewak nte ekewakde.

ZECHARIAH 8:23

Ntem ke Jehovah mme udim ɔdɔhɔ ete, Ke mme usen oro ke owo duop eke etode ke kpukpru usem mme idut edimum, kpa mmɔ edimum eyen Judah kiet utɔŋ ɔfɔŋidem, ete, Eyak nnyin ika ye mbufo: koro nnyin imokop ite ke Abasi odu ye mbufo.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

HOSEA 4:7

Adaŋa nte mmɔ ewakde, kpa ntre ke mmɔ enam idiɔk ye ami: ami nyeda but ŋkpuhɔ ubɔŋ mmɔ.

JEREMIAH 31:7

Koro ntem ke Jehovah ɔdɔhɔ, ete, Mbufo ekwɔ ke idaresit enɔ Jacob, enyuŋ efiori ɔkpɔsɔŋ ke otu akpan mme idut: mbufo ekwɔrɔ, etoro, enyuŋ edɔhɔ, ete, O Jehovah, nyaŋa ikɔt fo, nditɔ Isreal emi esuhɔde.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 61:7

Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

ISAIAH 55:12

Koro mbufo eyeda idara ewɔŋɔ, owo eyenyuŋ eda mbufo usuŋ ke emem: ikpɔ obot ye ŋkpri eyebumere ekwɔ ke iso mbufo, kpukpru eto akai eyenyuŋ ekwak ubɔk.

ISAIAH 54:1

KWƆ O ada emi mumanke eyen: bumere kwɔ, nyuŋ fiori, afo emi uman mitukke fi: koro nditɔ ikpɔŋ aŋwan ewakde ekan nditɔ aŋwan owo: Jehovah ɔdɔhɔ.

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ŊWED MME PSALM 107:38

Enye onyuŋ ɔdiɔŋ mmɔ ŋko, ndien mmɔ ewak eti-eti; inyuŋ iyakke ufene mmɔ ekabare ekpri.

NEHEMIAH 9:23

Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

JUDGES 5:3

Ndidem mbufo ekop! Mbɔŋ, mbufo ekpaŋ utɔŋ! Ami, kpa ami, nyekwɔ nnɔ Jehovah; nyekwɔ ikwɔ nnɔ Jehovah Abasi Israel.

UTOM MME APOSTLE 8:8

Akwa idara onyuŋ odu ke obio oro.

ŊWED JOB 12:23

Enye anam obio ekpon, ndien osobo mmɔ: anam mme idut etɔt, ndien ataŋ mmɔ ɔnyɔŋ.

ISAIAH 65:14

ikɔt mi eyekwɔ ke idaresit, edi mbufo eyeseme ke ubiak esit, enyuŋ etuaŋa ke ndutuhɔ spirit.

LEVITICUS 26:13

Ami ndi Jehovah Abasi mbufo, ami ŋkosio mbufo ke isɔŋ Egypt mfep, man mbufo ekudi ifin mmɔ: ŋkonyuŋ mbuŋ eto ɔkpɔnɔ mbufo, nnyuŋ nnam mbufo eneŋere esaŋa.

JUDGES 7:22

Ntre ke owo ikie ita oro efuri obukpoŋ; ndien Jehovah esin kpukpru owo eda ofut eŋwana ye mbɔhiduŋ mmɔ, ye ofuri nna: ndien nna efeŋe esim ke Beth-shittah ke Zererah, ye ke mben Abel-meholah ebe Tabbath.

JUDGES 8:12

Ndien Zebah ye Zalmunna efehe itɔk, edi enye ebine mmɔ, onyuŋ omum ndidem Midian mbiba, Zebah ye Zalmunna, onyuŋ esin kpukpru mbon-ekɔŋ ndik.

ISAIAH 10:26

Ndien Jehovah mme udim eyedemere ikpa ese enye, ebiet usuana Midian ke akwa itiat Oreb: ndien esaŋ Esie eyedoro ke inyaŋ, Enye eyenyuŋ emenere enye, kpa nte akanamde ke Egypt.

ISAIAH 14:5

Anam didie andituk oro atak! obio gold atak! Jehovah omobuŋ esaŋ mme anam-idiɔk, ye mmɔnyɔ mbɔŋ,