ISAIAH 9:21 - Edisana ñwed Abasi Ibom

²¹ Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:21 Referans Kwoze

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ŊWED MBON GALATIA 5:15

Edi edieke mbufo edomde enyuŋ etade kiet eken, ekpeme mbak mbufo edisobo ke ubɔk kiet eken.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

MATTHEW 24:10

Ekem ediwak owo eyeduɔ, eyenyuŋ eda kiet eken enɔ, eyeyuŋ esua kiet eken.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

ISAIAH 11:13

Ndien ufup Ephraim eyetre, eyenyuŋ esibe mme asua Judah efep; Ephraim idifibeke Judah ufup, Judah idinyuŋ ituhɔke Ephraim.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

2 NDIDEM 15:30

Ekem Hoshea eyen Elah oduk odu abaŋa Pekah eyen Remaliah, onyuŋ ɔtɔ enye owot, onyuŋ ada ubɔŋ ke itie esie, ke ɔyɔhɔ isua Jotham, eyen Uzziah, edip.

1 SAMUEL 14:20

Ndien Saul owuk kpukpru owo oro edude ye enye: ndien mmɔ eka ekeduk ke ekɔŋ: ndien, sese, ofut kpukpru owo ke ekpeŋe ekemɔ owo, nsobo onyuŋ okpon eti-eti.

JUDGES 7:2

Ndien Jehovah ɔdɔhɔ Gideon, ete, Mme mmɔ emi edude ye afo ewak ekan nte ndade Midian nsin mmɔ ke ubɔk, mbak Israel edibure mbure ye ami, ete, Ubɔk mi akanyaŋa mi.

ISAIAH 8:21

Ndien mmɔ eyesaŋa ke esit ebe ke nnanenyin ye biɔŋ: ndien ama ekem ke biɔŋ ɔdɔŋde mmɔ, mmɔ eyeyat esit, enyuŋ esuŋi edidem mmɔ ye Abasi mmɔ, enyuŋ emenere iso mmɔ ke enyɔŋ.

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

ZECHARIAH 11:14

Ndien nsibe esaŋ mi eken oro, kpa Ubɔp-ŋkpɔ, man mbiat iman ke ufɔt Judah ye Israel.