ISAIAH 8:7 - Edisana ñwed Abasi Ibom

⁷ Ɔbɔŋ ke ada mkpɔsɔŋ ye akamba mmɔŋ akpa, kpa edidem Assyria, ye ofuri ubɔŋ esie, ɔdɔk etiene mmɔ: ndien enye eyetɔ ɔyɔhɔ ke ofuri akpa esie, onyuŋ emen ofuri mben esie:

ISAIAH 8:7 Referans Kwoze

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

AMOS 8:8

Nte ŋkpɔ emi idinamke isɔŋ enyek? idinamke kpukpru mme andiduŋ ke esit etuaŋa? idinyuŋ iyɔhɔke ofuri nte akpa mmɔŋ? Nte idinyuŋ ifutke, inyuŋ isuhɔre nte akpa Egypt.

ISAIAH 7:20

Ke usen oro Ɔbɔŋ eyekpe akaraŋ kiet ke edem akpa oko, kpa Assyria, ada okporo ibuot, ye idet ukot: enye eyenyuŋ akwat ntaŋebek efep.

ISAIAH 7:17

Jehovah eyeda oruk usen emi akananam midige toto ke usen oro Ephraim akadahade ɔkpɔŋ Judah, etiene fi, ye ikɔt fo, ye ufɔk usɔ, kpa edidem Assyria.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

ERIYARARE 17:15

Angel onyuŋ ɔdɔhɔ mi ete, Mmɔŋ oro okokutde, eke akpara etiede ke esit, edi mbio-obio, ye otu owo, ye mme idut ye usem.

NAHUM 1:8

Edi enye eyeda akwa ɔtɔ mmɔŋ osobo ebiet esie; ndien ekim eyebine mme asua esie.

DANIEL 11:22

Ndien ubɔk mmɔŋ ukwɔ emi editode enye ke iso eyefuk, onyuŋ obuŋ mmɔ, ye ɔbɔŋ ediomi ŋko.

DANIEL 11:10

Ndien nditɔ esie eyedemere, enyuŋ ebon ediwak otu mbon-ekɔŋ: ndien owo kiet iditreke ndidi, nnyuŋ nyɔhɔ nte mmɔŋ, nnyuŋ nsaŋa mbe. Ndien enye eyefiak edem, onyuŋ emen idem tutu osim ke ɔkpɔsɔŋ ebiet esie.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

ISAIAH 59:19

Ndien owo eyeto ke edem usop-utin edibak enyiŋ Jehovah, eto ke edem usiaha edibak ubɔŋ esie. Ke ini usua odukde nte akpa mmɔŋ, spirit Jehovah eyemenere banner ke enyɔŋ abaŋa enye.

ISAIAH 28:17

Ndien nyenim ikpe ke uruk udomo, nyenim se inende ke plummet: ndien edim itiat eyekpɔri ubɔhɔ nsu efep, mmɔŋ eyenyuŋ ɔtɔ ofuk ebiet udibe.

ŊWED MME PSALM 72:8

Ndien enye eyeda ubɔŋ ɔtɔŋɔde ke inyaŋ kiet tutu osim eken, onyuŋ ɔtɔŋɔde ke akpa tutu osim ke utit isɔŋ.

LUKE 6:48

Enye ebiet andibɔp ufɔk, emi otibide isɔŋ ɔtuŋɔ, onyuŋ owukde ukot ufɔk ke itiat: ndien ke ini ukwɔ edide, udiɔŋ-mmɔŋ edibere ufɔk oro ɔkpɔsɔŋ, edi ikemeke ndiyeŋe enye, koro eketimde ebɔp enye.

EZRA 4:10

ye mme idut efen emi akamba ɔbɔŋ Osnappar akataŋde edi edinim ke mme obio Samaria, ye mmɔ efen ke edem akpa emi, ye ntre ntre, ewet.

2 NDIDEM 19:32

Mmɔdo ntem ke Jehovah ɔdɔhɔ abaŋa edidem Assyria, ete, Enye ididukke ke obio emi, idinyuŋ itopke baba idaŋ kiet isin do, inyuŋ idaha otu-ekɔŋ idi enye ke iso, inyuŋ ibokke ibombom inɔ enye.

ISAIAH 10:5

Ifɔnke fɔn inɔ Asshur, eto iyaresit mi, ndien esaŋ ke ubɔk mmɔ edi eke ifuresit mi.

ISAIAH 10:16

Mmɔdo Ɔbɔŋ, Ɔbɔŋ mme udim, eyenɔ ndiɔk-idem esɔk mbon ubom mmɔ; ndien eyesak ke idak ubɔŋ mmɔ nte ikaŋ asakde.

ISAIAH 11:15

Ndien Jehovah eyesobo edeme inyaŋ Egypt; onyuŋ ofuŋ ubɔk esie ke enyɔŋ Akpa ke edifiop ofum esie, onyuŋ ɔtɔ enye esin ke idim itiaba, ndien ayak owo esaŋa ebe ke ikpat ukot.

ISAIAH 28:2

Sese, Ɔbɔŋ emenyene ŋkpɔ eke ɔsɔŋde sɔŋ, ebiet edim-itiat ye oyobio nsobo, ebiet ɔkpɔsɔŋ mmɔŋ edim eke ɔtɔde, enye ada ubɔk ɔduɔk enye ke isɔŋ.

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

JEREMIAH 47:2

Ntem ke Jehovah ɔdɔhɔ ete, Sese, mmɔŋ oto ke edere ɔdɔk, onyuŋ akabare ebiet akamba ɔtɔ, ndien eyetɔ emen isɔŋ ye se iyɔhɔde ke esit, ye obio ye mme andiduŋ enye, ndien owo eyeseme, kpukpru mme andiduŋ isɔŋ eyenyuŋ efiori.

JEREMIAH 51:42

Inyaŋ ibom ɔmɔdɔk osim Babylon: akwa odut esie ofuk enye.

EZEKIEL 26:19

Koro ntem ke Ɔbɔŋ Jehovah ɔdɔhɔ ete, Ke ini eke nnimde fi ke obio eke abiarade, ebiet obio eke owo miduŋke ke esit; ke ndinamde inyaŋ ɔdɔk osim fi, ikpɔ mmɔŋ edinyuŋ efukde fi;

MICAH 1:9

Koro unan esie odorode ufiɔn; koro enye osimde Judah: enye omoduk ke inua-otop ikɔt mi, kpa ke Jerusalem.

MICAH 5:5

Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

ŊWED MME PSALM 46:4

Akpa (odu): mme idim esie eyedat obio Abasi esit, kpa edisana iduŋ Ata Edikoŋ.

ISAIAH 28:15

Koro mbufo edɔhɔde, ete, Nnyin imediomi ediomi ye mkpa, inyuŋ isobo esop ye obio ekpo; ke ini ikpa ebede ofuk, idisimke nnyin: koro nnyin inimke nsu ke ebiet ubɔhɔ nnyin, inyuŋ idibede ke abiaŋa.

MICAH 5:4

Ndien enye eyeda edibɔk ke odudu Jehovah, ke ubɔŋ enyiŋ Jehovah Abasi esie; ndien mmɔ eyebigi: koro ke emi ke enye edikpon tutu osim utit ererimbot.