ISAIAH 8:21 - Edisana ñwed Abasi Ibom

²¹ Ndien mmɔ eyesaŋa ke esit ebe ke nnanenyin ye biɔŋ: ndien ama ekem ke biɔŋ ɔdɔŋde mmɔ, mmɔ eyeyat esit, enyuŋ esuŋi edidem mmɔ ye Abasi mmɔ, enyuŋ emenere iso mmɔ ke enyɔŋ.

ISAIAH 8:21 Referans Kwoze

ISAIAH 9:20

Ndien enye awai ŋkpɔ eke edude ke ubɔk nnasia, edi osuk etie biɔŋ; onyuŋ adia se idude ke ubɔk ufien, edi iyuhɔke: kpukpru mmɔ eta idem ubɔk mmɔ.

MME ŊKE 19:3

Ndisime ido owo abiat usuŋ esie: ndien enye ayat esit ye Jehovah.

JEREMIAH 52:6

Ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ usukkiet, akaŋ ɔsɔŋ ubɔk ke obio; udia eke mbio-obio ediade inyuŋ iduhe.

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

ŊWED JOB 2:9

Ndien ŋwan esie ɔdɔhɔ enye, ete, Nte afo osuk omum mfɔnmma fo akama?

ŊWED JOB 2:5

Edi kam nyan ubɔk fo tuk ɔkpɔ esie, ye obukidem esie: enye iditreke ndikpɔŋ fi aŋwanaŋwa.

ŊWED JOB 1:11

Edi kam nyan ubɔk fo, tuk kpukpru se enye enyenede; enye iditreke ndikpɔŋ fi aŋwa-aŋwa.

2 NDIDEM 25:3

Ndien ke ɔyɔhɔ usen usukkiet ke ɔyɔhɔ ɔfiɔŋ (inaŋ), akaŋ ɔsɔŋ ubɔk ke obio, udia eke mbio-obio ediade inyuŋ iduhe.

EXODUS 22:28

Kusuŋi Abasi, kunyuŋ usue ebierikpe ke otu mbio-obio mbufo.

2 NDIDEM 6:33

Ndien ke ini enye osuk ɔdɔhɔde ye mmɔ, sese, isuŋutom oro ɔsuhɔre osim enye. Ndien enye (edidem) ɔdɔhɔ ete, Sese, ukut emi oto Jehovah: ndinam didie nsuk mbet Jehovah ŋka iso?

LEVITICUS 24:11

Ndien eyen eyen-aŋwan Israel oro abiat Enyiŋ (Jehovah) onyuŋ osuŋi. Ndien emum enye esɔk Moses, (ndien enyiŋ eka esie ekere Shelomith, eyen Dibri aŋwan, owo esien Dan.)

1 SAMUEL 8:18

Ndien mbufo eyeseme ke usen oro ebaŋa edidem mbufo eke edimekde ke idem-mbufo; edi Jehovah idiyereke mbufo ke usen oro.

ŊWED JOB 18:12

Odudu esie etie biɔŋ-biɔŋ, nsobo onyuŋ ɔwuhɔ enye ke ŋkaŋ.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 14:30

Ndien ikpan mbon unana eyedia ŋkpɔ, mme ubuene eyenyuŋ esuhɔre ena ke mbuɔtidem; ndien nyewot oruŋ fo ke biɔŋ, ndien enye eyewot nsuhɔ fo.

ISAIAH 51:19

Ŋkpɔ iba oro emesim fi: anie editua fi mbɔm? nditaha ye nsobo, ye akaŋ ye ofut: nnam didie ndɔŋ fi esit?

ISAIAH 59:9

Oro esin edinen ikpe oyom usuŋ ye nnyin, edinen ido idinyuŋ isimke nnyin: nnyin ibet uŋwana ndien sese ekim; ibet uyama, ndien sese, isaŋa ke mbubreyo.

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,