ISAIAH 8:10 - Edisana ñwed Abasi Ibom

¹⁰ Mbufo eduak uduak, ndien eyekpu: edɔhɔ ikɔ, ndien ididaha: koro Abasi odude ye nnyin.

ISAIAH 8:10 Referans Kwoze

ŊWED ESEME 3:37

Anie owo ɔdɔhɔ ndien odu, ke Ɔbɔŋ miwukke?

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

ŊWED JOB 5:12

Enye asuan uduak mbon ŋkari, ndien ubɔk mmɔ inamke ŋkpɔ akpanakpan.

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

2 SAMUEL 15:31

Ekem owo etiŋ ɔnɔ David, ete ke Ahithophel odu ke otu mbon-odu ye Absalom. Ndien David ɔdɔhɔ ete, O Jehovah, mbɔk, nam item Ahithophel akabare edi ndisime.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

2 CHRONICLES 13:12

Ndien, sese, Abasi odu ye nnyin ke etubom, ye mme oku esie, ye mme ukorowo uyom emi edade enam uyom ebaŋa mbufo. Mbufo, nditɔ Israel, ekuŋwana ekɔŋ ye Jehovah Abasi mme ete mbufo: koro mbufo midikwe unen.

DEUTERONOMY 20:1

KE adaŋemi afo ediwɔrɔde aka ekɔŋ ye mme asua fo, edinyuŋ okutde mme horse, ye mme chariot, ye mbon ekɔŋ ewakde ekan fi, kubak mmɔ: koro Jehovah Abasi fo emi okosiode fi ke isɔŋ Egypt, ododu ye afo.

2 SAMUEL 17:23

Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

ŊWED MME PSALM 46:1

ABASI edi ebiet-ubɔhɔ nnyin ye odudu nnyin, Enye edi andinyaŋa eke ekperede nnyin eti-eti ke nnanenyin.

ŊWED MBON ROME 8:13

Koro edieke mbufo edude uwem nte obukidem etemede, mbufo enyene ndikpa; edi edieke mbufo edade spirit, mbufo ewot erinam eke obukidem anamde, mbufo eyedu uwem.

1 JOHN 4:4

Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

ISAIAH 8:8

ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

2 SAMUEL 17:4

Ndien ikɔ oro enem Absalom ye kpukpru mbiowo Israel.

GENESIS 21:22

Edikem ke ini oro ndien, Abimelech, ye Phicol etubom mbon ekɔŋ esie, edidɔhɔ Abraham, ete, Abasi odudu ye afo ke kpukpru se afo anamde.

ISAIAH 28:18

Ndien eyesɔhi ediomi emi mbufo ediomide ye mkpa efep, ndien esop emi mbufo esopde ye udi ididaha; ke ini ikpa eke ɔtɔde ofuk, ebede, mbufo eyedi se enye edidigide.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

JEREMIAH 42:11

Mbufo ekufehe ndik ke iso edidem Babylon emi mbufo efehede enye; Jehovah ɔdɔhɔ ete, Mbufo ekufehe enye: koro ami ndude ye mbufo ndinyaŋa mbufo, ndinyuŋ nsio mbufo ke ubɔk esie.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JOEL 3:9

Mbufo etaŋa emi ke otu mme idut: etim ŋkpɔ-ekɔŋ: edemere mbon-uko: yak kpukpru mbon-ekɔŋ esaŋa ekpere edɔk edi:

NUMBERS 14:9

Edi mbufo ekutun itun ye Jehovah, ekunyuŋ efehe nditɔ isɔŋ oro: koro mmɔ edi udia nnyin: iberedem mmɔ amakabare ɔkpɔŋ mmɔ, ndien Jehovah odu ye nnyin; mbufo ekufehe mmɔ.

2 NDIDEM 6:12

Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

ŊWED MME PSALM 21:12

Koro afo eyenam mmɔ ekpa edem: afo eyeda uruk utiga fo eket mmɔ iso.

ŊWED MME PSALM 46:8

Mbufo edi edise se Jehovah anamde, emi esinde ŋwure ke ererimbot.

ISAIAH 14:27

Koro Jehovah mme udim amaduak, ndien anie edinam enye okpu? Enye omonyuŋ anyanare ubɔk esie, ndien anie edinuk enye afiak?

HAGGAI 1:13

Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.