ISAIAH 8:1 - Edisana ñwed Abasi Ibom

¹ NDIEN Jehovah ɔdɔhɔ mi, ete, Da akamba ikpa-ŋwed ke idem fo, nyuŋ da nta ŋwed owo wet ke esit, ete, Eke Maher-shalal-hash-baz; (Mbume, wara! Uŋwo, sɔp ukot!)

ISAIAH 8:1 Referans Kwoze

ISAIAH 30:8

Ka ndien kakap enye ke itiat ŋwed ke otu mmɔ, nyuŋ wet enye ke nwed, man enye etie ɔnɔ ini iso, ke nsinsi tutu amama.

ISAIAH 8:3

Ndien ntiene prophet aŋwan; ndien enye oyomo, aman eyen-eren. Ndien Jehovah ɔdɔhɔ mi, ete, Sio enye enyiŋ Maher-shalal-hash-baz.

ERIYARARE 21:17

Enye onyuŋ odomo ibibene, ibio idomo okuk ikie ye aba ye inaŋ, nte owo, oro edi angel, odomode.

ERIYARARE 13:18

Yak owo eke enyenede eti ibuot abat ibat unam oro; koro edi ibat owo. Ndien ibat esie edi ikie itiokiet ye ata ye itiokiet.

JEREMIAH 36:32

Ndien Jeremiah ada ŋwed efen onyuŋ emen enye ɔnɔ Baruch, eyen Neriah ewet ŋwed; ndien enye ɔbɔ Jeremiah kpukpru ikɔ ŋwed oro Jehoiakim edidem Judah ɔkɔfɔpde ke ikaŋ, ke inua, ewet ke esit, onyuŋ ewet ediwak ikɔ efen ebiet mmɔ ɔkɔrɔ ke esit.

JEREMIAH 36:28

Tɔŋɔ ntak da ŋwed efen ke idem fo, nyuŋ men kpukpru akpa ikɔ oro ekedude ke akpa ŋwed oro Jehoiakim edidem Judah ɔkɔfɔpde, wet ke esit.

JEREMIAH 36:2

Da ikpa ŋwed ke idem fo, nyuŋ men kpukpru ikɔ oro ŋkɔdɔhɔde fi, mbaŋa Israel ye Judah ye kpukpru mme idut, ɔtɔŋɔde ke usen oro ŋkɔdɔhɔde ye afo, ɔtɔŋɔde ke eyo Josiah, tutu osim mfin emi, wet ke esit.

ISAIAH 8:16

Bɔp ŋwed ntiense, fik seal ke ewuhɔ ke otu mmɔ emi ntemede.

JEREMIAH 30:2

afo ke idem fo da ŋwed wet kpukpru ikɔ emi ndɔhɔde fi.