ISAIAH 64:2 - Edisana ñwed Abasi Ibom

² kpa nte ikaŋ atade ikɔt, nte ikaŋ anamde mmɔŋ ofut; man anam mme asua fo efiɔk enyiŋ fo, mme idut eyenyek idem ke iso fo.

ISAIAH 64:2 Referans Kwoze

ŊWED MME PSALM 99:1

JEHOVAH edi edidem; mme idut enyek idem: enye odoro mme cherubim ke edem; isɔŋ enyek.

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

ISAIAH 37:20

Mbɔk, ndien, O Jehovah Abasi nnyin, nyaŋa nnyin sio ke ubɔk esie, ndien kpukpru mme idut ererimbot eyefiɔk ete ke afo ikpɔŋ-ikpɔŋ edi Jehovah.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

EXODUS 14:4

Ndien nyesɔŋ Pharaoh esit, ndien enye eyebine mmɔ; ndien nyeda ukpono ke idem Pharaoh, ye ke idem kpukpru mbon-ekɔŋ esie: ndien nditɔ Egypt eyefiɔk ete ke ami ndi Jehovah. Ndien mmɔ enam ntre.

ISAIAH 63:12

Emi akadade nnasia Moses, ye ubɔk ubɔŋ esiemɔ, eteme mmɔ usuŋ, asiak mmɔŋ ke iso mmɔ, man anam nsisni enyiŋ ɔnɔ idem esie;

ŊWED MME PSALM 106:8

Ndien enye anyaŋa mmɔ ke abaŋa enyiŋ esiemɔ; man anam mmɔ efiɔk odudu esie. Enye onyuŋ aduari Ididuot Inyaŋ, ndien Inyaŋ asat:

ŊWED MME PSALM 83:13

O Abasi mi, nim mmɔ nte mbio; ye nte edisat nyanyaŋa ke iso ofum.

ŊWED MME PSALM 79:10

Mme idut enam didie edɔhɔ ete, Enye Abasi mmɔ? Nam mme idut ke iso nnyin efiɔk usiene iyip ikɔt fo emi eduɔkde.

ŊWED MME PSALM 9:20

O Jehovah, nam mmɔ edige: nam mme idut efiɔk ete ke mmimɔ idi owo. [Selah.]

DEUTERONOMY 2:25

Mfin emi mmɔŋ ntɔŋɔ ndinam ndik fo ye uteŋe fo edoro mme idut ke idak ofuri ikpa enyɔŋ, eke edikopde etop fo, ndien mmɔ eyenyek idem, enyuŋ eyomo nsia ebaŋa fi.

AMOS 4:12

Mmɔdo ntem ke ndinam ye afo, O Israel: koro nyenam emi ye afo: tim idem man osobo ye Abasi fo, O Israel.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

ISAIAH 28:21

Koro Jehovah eyedaha ke enyɔŋ, kpa nte ke obot Perazim, eyenyuŋ akpahesit, kpa nte ke itihere Gibeon, man anam ŋkpɔ, utibe ŋkpɔ esie, onyuŋ anam utom, utibe utom esie.