ISAIAH 64:1 - Edisana ñwed Abasi Ibom

¹ AFO akpakam asiak enyɔŋ, ɔsuhɔre, man ikpɔ obot etara ewet ke iso fo,

ISAIAH 64:1 Referans Kwoze

MARK 1:10

Ndien kpa idaha oro Enye ɔwɔrɔde ke mmɔŋ ɔdɔk, Enye okut nte enyɔŋ asiahade, ye nte Spirit ɔsuhɔrede nte ibiom edidoro Enye ke idem:

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ŊWED MME PSALM 68:8

Isɔŋ enyek, ikpa-enyɔŋ ŋko ɔtɔi ke iso Abasi: Sinai oro (enyek) ke iso Abasi, Abasi Israel.

AMOS 9:13

Jehovah ɔdɔhɔ, ete, Sese, mme usen ke edi, ndien owo eke ofuŋde isɔŋ eyesim owo eke ekpeŋede ibokpot: owo eke anuakde wine eyenyuŋ osim andiwari mkpasip; ikpɔ obot eyenyuŋ etɔi obufa wine, kpukpru ŋkpri obot eyenyuŋ etara.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.

EXODUS 19:11

mbufo enyuŋ etim idem mbufo ebeŋe okut: koro ke okut ke Jehovah edisuhɔre ke iso kpukpru owo ke obot Sinai.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

ISAIAH 41:15

Sese, mmonim fi ke ukpat-ŋkpɔ ubek ibokpot eke ɔsɔpde, edi obufa, enyene ediwak iso: afo eyetim ikpɔ obot, onyuŋ anuak mmɔ emem; eyenyuŋ onim ŋkpri obot nte mbio ibokpot.

ISAIAH 63:19

Nnyin ikodu ke eyo oko; afo ukakarake mmɔ; mmɔ ikekereke enyiŋ fo.

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

ŊWED MME PSALM 79:10

Mme idut enam didie edɔhɔ ete, Enye Abasi mmɔ? Nam mme idut ke iso nnyin efiɔk usiene iyip ikɔt fo emi eduɔkde.