ISAIAH 6:9 - Edisana ñwed Abasi Ibom

⁹ Ndien enye ɔdɔhɔ, ete, Ka kɔdɔhɔ mbio emi, ete, Mbufo esuk ekop, edi ekunyene ibuot; esuk ese ŋko, edi ekufiɔk.

ISAIAH 6:9 Referans Kwoze

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

MARK 4:12

man mmɔ esuk ese ŋkpɔ, edi ekukut; enyuŋ esuk ekop ŋko, edi ekufiɔk; mbak mmɔ edikabare, ndien edahado enɔ mmɔ.

JOHN 12:40

Enye okotibi mmɔ enyin, onyuŋ ɔsɔŋ mmɔ esit; Mbak mmɔ edida enyin mmɔ ekut usuŋ, enyuŋ eda esit mmɔ ekere ŋkpɔ, Enyuŋ ekabare, ndien nnam udɔŋɔ okure mmɔ.

ŊWED MBON ROME 11:8

ndien esɔŋ mmɔ eken esit: nte ewetde ete, Abasi ɔkɔnɔ mmɔ spirit uyetidap Ye enyin eke mikwe usuŋ ye utɔŋ eke mikopke ikɔ, Tutu idem mfin emi.

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

ISAIAH 43:8

Sio mbon nnan, ndien mmɔ enyene enyin; sio mbon-inan, ndien mmɔ enyene utɔŋ.

HOSEA 1:9

Ndien enye (Abasi) ɔdɔhɔ, ete, Sio enye enyiŋ, ete, Lo-ammi (idige ikɔt mi): koro mbufo midige ikɔt mi, ami ndinyuŋ ndige eke mbufo.

DEUTERONOMY 29:4

edi Jehovah ika-inɔŋɔ mbufo esit eke ɔfiɔkde, ye enyin eke okutde, ye utɔŋ eke okopde, tutu osim mfin emi.

MME ŊKE 28:5

Mme idiɔk owo itimke ifiɔk ikpe: edi mmɔ eke eyomde Jehovah etim efiɔk kpukpru.

ISAIAH 29:10

Koro Jehovah amaŋwaŋa mbufo spirit idap ke idem, onyuŋ ɔbɔp mbufo enyin; enye ofuk mme prophet, ye mbuot mbufo, mbon ŋkukut.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

EZEKIEL 12:2

Eyen owo, afo ke oduŋ ke otu ufɔk nsɔŋ-ibuot, emi enyenede enyin eke ekutde, ndien ikwe; enyuŋ enyenede utɔŋ eke ekopde, ndien ikopke: koro mmɔ edide ufɔk nsɔŋ-ibuot.

ISAIAH 28:13

Ndien ikɔ Jehovah odu ke otu mmɔ, ibet ɔkɔrɔ ke ibet, ibet ke ibet, ewuhɔ ke ewuhɔ, ewuhɔ ke ewuhɔ; mi esisit, do esisit; kpaŋ mmɔ ekpeka, ekpenyuŋ eduɔ edem-edem, enyuŋ enuaha, enyuŋ esike, enyuŋ emum (ke afia).

ISAIAH 42:20

Afo omokut ediwak ŋkpɔ, edi udunimke; ke esirere utɔŋ, edi idikopke.