ISAIAH 6:3 - Edisana ñwed Abasi Ibom

³ Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ISAIAH 6:3 Referans Kwoze

ŊWED MME PSALM 72:19

Enyuŋ ekɔm enyiŋ ubɔŋ esie ke nsinsi: yak ubɔŋ esie onyuŋ ɔyɔhɔ ke ofuri ererimbot.

EZRA 3:11

Ndien mmɔ ekwɔ, ke etoro, enyuŋ ekɔm Jehovah, koro enye ɔfɔnde, koro ima esie (emi enye amade) Israel odude ke nsinsi. Ndien kpukpru owo efiori akamba mfiori, ke etoro Jehovah, koro etɔŋɔde ndibɔp ufɔk Jehovah.

NUMBERS 14:21

Edi kpa nte ami nsuk ndudu uwem, ke akpanikɔ ubɔŋ Jehovah eyeyɔhɔ ke ofuri ererimbot.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

ISAIAH 40:5

ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.

ISAIAH 24:16

Nnyin itie ke utit ererimbot ikop ikwɔ, ete “Nɔ eti owo ubɔŋ.” Edi ami ndɔhɔ nte, Ɔdiɔk mi, ɔdiɔk mi, ifɔnke fɔn inɔ mi! mbon ŋwo ke ewoŋwo: mbon ŋwo ke ewo ŋwo.

ŊWED MME PSALM 57:11

O Abasi, menere idem fo ke enyɔŋ: yak ubɔŋ fo akan ofuri isɔŋ.

ŊWED MBON EPHESUS 1:18

Enye akpakam onyuŋ aŋwaŋa enyin esit mbufo, man mbufo efiɔk se idori-enyin eke Enye okotde nnyin idibɔ edide;

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

ŊWED MME PSALM 90:16

Da se afo anamde wut ikɔt fo; nyuŋ wut nditɔ mmɔ uyai fo.

ŊWED MME PSALM 97:6

Enyɔŋ etaŋa eti ido esie, kpukpru mme idut ekut ubɔŋ esie.

ŊWED MME PSALM 99:3

Mmɔ eyetoro akwa enyiŋ ndik fo: enye edi edisana.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

EZEKIEL 43:2

Ndien, sese, ubɔŋ Abasi Israel oto ke edem usiaha-utin edi: uyo esie onyuŋ ebiet uyo ediwak mmɔŋ: ubɔŋ esie onyuŋ ayama ke isɔŋ.

EZEKIEL 44:4

Ekem enye ada mi oduk ke usuŋ edem edere edi ke iso ufɔk, ndien ŋkut, ndien, sese, ubɔŋ Jehovah ɔyɔhɔ ke ufɔk Jehovah: ndien nduɔ ke isɔŋ ŋkubi iso mi.

ŊWED MME PSALM 8:2

Afo osio odudu ke inua nditɔwɔŋ ye eke nsek nditɔ onim abaŋa mme asua fo, man afo odop inua usua ye eke osio-usiene.

ŊWED MME PSALM 66:2

Ekwɔ ubɔŋ enyiŋ esie: enim itoro esie ke ŋkpɔ ubɔŋ.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.