ISAIAH 6:12 - Edisana ñwed Abasi Ibom

¹² Jehovah onyuŋ emen owo efep onim anyan ebiet, enyuŋ ekpɔŋ akamba ubak ke ufɔt isɔŋ.

ISAIAH 6:12 Referans Kwoze

JEREMIAH 4:29

Uyom mme horse ye eke mme otop-utiga eyesin ofuri obio efeŋe: mmɔ eduk ke mfuhɔ ikɔt, enyuŋ edɔk ke ikpɔ itiat: ekpɔŋ kpukpru obio, baba owo kiet eke oduŋde mmɔ ke esit inyuŋ iduhe.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

ŊWED ESEME 5:20

Nsinam afo efrede nnyin ke nsinsi? Nsinyuŋ inam afo ɔkpɔŋde nnyin ke anyan ini?

JEREMIAH 15:4

Ndien nyeda mmɔ nnɔ kpukpru mme idut ke ererimbot ke se etuhɔde, ke ikɔ Manasseh eyen Hezekiah edidem Judah, mbaŋa se enye akanamde ke Jerusalem.

JEREMIAH 12:7

Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.

ISAIAH 26:15

Afo anam idut ɔtɔt, O Jehovah, anam idut ɔtɔt; ada ukpono; anam kpukpru adaŋa isɔŋ etara.

2 NDIDEM 25:21

ndien edidem Babylon ɔtɔ mmɔ owot ke Riblah, ke idut Hamath: onyuŋ ataŋ Judah ke isɔŋ mmɔ efep.

2 NDIDEM 25:11

Nebuzaradan etubom mbon-ukpeme edidem onyuŋ ataŋ mmɔ eken emi esuhɔde ke obio, ye mbon-itɔk emi ediande idem ye edidem Babylon, ye mbio-obio emi esuhɔde, ɔnyɔŋ.

ŊWED MBON ROME 11:15

Koro edieke eriduɔk emi eduɔkde mmɔ akabare ɔwɔrɔ erinam ererimbot etie ke emem ye Abasi, erida mmɔ nduk ke Obio Ubɔŋ Abasi ndien ediwɔrɔ nso ke mibɔhɔke erito ke mkpa ndu uwem.

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

ISAIAH 13:12

Nyesin owo ɔsɔŋ urua akan gold, nsin owo akan gold Ophir.

JEREMIAH 52:27

Ndien edidem Babylon ɔtɔ mmɔ owot ke Riblah, ke isɔŋ Hamath; onyuŋ ataŋ Judah ke isɔŋ mmɔ efep.

ZEPHANIAH 1:3

Nyetaŋ owo ye ufene, nyetaŋ inuen enyɔŋ, ye iyak akwa mmɔŋ, ye ŋkpɔ eke esinde mmɔ edue, ŋkɔrɔ ye mme idiɔk owo: Jehovah onyuŋ ɔdɔhɔ; ete, Nyesibe owo ke iso idut emi mfep.