ISAIAH 6:10 - Edisana ñwed Abasi Ibom

¹⁰ Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

ISAIAH 6:10 Referans Kwoze

MATTHEW 13:15

Koro esit mbon emi ama akabare odobi, Utɔŋ mmɔ onyuŋ ɔsɔŋ ndikop ikɔ, Mmɔ enyuŋ ebɔp enyin; Mbak mmɔ edida enyin mmɔ ekut usuŋ, Enyuŋ eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ, Enyuŋ etɔŋɔ ntak ekabare, Ndien Ami nnam udɔŋɔ okure mmɔ.

UTOM MME APOSTLE 28:27

Koro esit mmɔ emi amakabare odobi, Utɔŋ onyuŋ odobi mmɔ ndikop ikɔ, Mmɔ emenyuŋ ebɔp enyin; Mbak mmɔ edida enyin mmɔ ekut usuŋ, Eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ enyuŋ ekabare, Ndien Ami ŋkɔk mmɔ.

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

JEREMIAH 6:10

Ndidɔhɔ anie, nnyuŋ nteme anie, man mmɔ ekop? sese, utɔŋ mmɔ odoro edut, ndien mmɔ ikemeke ndikop: sese, mmɔ ebat uyo Jehovah ke ŋkpɔ but; enye inemke mmɔ esit.

ZECHARIAH 7:11

Ndien mmɔ inyimeke ndikpaŋ utɔŋ, edi ekpa edem, enyuŋ esɔŋ ibuot, enyuŋ enam utɔŋ mmɔ edobi, man ekukop.

ISAIAH 63:17

O Jehovah, nsinam afo ayakde nnyin idiyo ikpɔŋ usuŋ fo, ayak esit nnyin ɔsɔŋ, ete ikubak fi? Fiak di baŋa ikɔt fo, mme esien udeme fo.

ISAIAH 29:10

Koro Jehovah amaŋwaŋa mbufo spirit idap ke idem, onyuŋ ɔbɔp mbufo enyin; enye ofuk mme prophet, ye mbuot mbufo, mbon ŋkukut.

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

ŊWED MME PSALM 17:10

Ikpɔŋ mmɔ ɔfuhɔ mmɔ: mmɔ edɔhɔ iseri-iseri ke inua mmɔ.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

ŊWED MME PSALM 119:70

Esit mmɔ etie nte ikpɔŋ unam: ido fo enem mi esit.

EXODUS 14:17

Ndien se mi, ami nyesɔŋ nditɔ Egypt esit, ndien mmɔ eyebine mmɔ: ndien ami nyeda Pharaoh ukpono ke idem, ye ke idem kpukpru mbon-ekɔŋ esie, ye chariot esie, ye ke mbon horse esie.

EXODUS 11:10

Ntre ke Moses ye Aaron enam kpukpru mme utibe ŋkpɔ emi ke iso Pharaoh: ndien Jehovah ɔsɔŋ Pharaoh esit, ndien enye iyakke nditɔ Israel edaŋa ke isɔŋ esie.

EXODUS 10:27

Edi Jehovah ɔsɔŋ Pharaoh esit, ndien enye inyimeke ndiyak mmɔ eka.

2 ŊWED CORINTH 2:16

ye mmɔ emi, nte ufik eke ɔkɔrɔde mkpa ke mkpa, ye ye mmɔ eken, nte ufik eke ɔkɔrɔde uwem ke uwem.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

ISAIAH 19:22

Jehovah eyenyuŋ amia Egypt; amia, onyuŋ ɔkɔk: ndien mmɔ eyekabare etiene Jehovah, ndien enye eyekop ɔnɔ mmɔ, onyuŋ ɔkɔk mmɔ.

EXODUS 7:3

Ndien ami nyenam esit Pharaoh ɔsɔŋ, nyenyuŋ nnam mme idiɔŋɔ mi ye mme utibe ŋkpɔ mi ewak ke isɔŋ Egypt.

JOHN 12:40

Enye okotibi mmɔ enyin, onyuŋ ɔsɔŋ mmɔ esit; Mbak mmɔ edida enyin mmɔ ekut usuŋ, enyuŋ eda esit mmɔ ekere ŋkpɔ, Enyuŋ ekabare, ndien nnam udɔŋɔ okure mmɔ.

DEUTERONOMY 29:4

edi Jehovah ika-inɔŋɔ mbufo esit eke ɔfiɔkde, ye enyin eke okutde, ye utɔŋ eke okopde, tutu osim mfin emi.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

ŊWED MME PSALM 69:23

Nam enyin okim mmɔ, man ekukut ŋkpɔ; nyuŋ nam isin enyek mmɔ kpukpru ini.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

ISAIAH 44:18

Mmɔ ifiɔkke, inyuŋ inimke ibuot: koro enye emesiri mmɔ enyin, man ekukut; esiri esit mmɔ, man ekudi ɔniɔŋ.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

ŊWED ESEME 3:65

Nɔ mmɔ ubiak esit, nɔ mmɔ isuŋi fo.

ZECHARIAH 11:15

Ndien Jehovah ɔdɔhɔ mi, ete, Tɔŋɔ ntak bɔ ŋkpɔ utom ndisime ekpemerɔŋ ke idem fo.

DEUTERONOMY 29:3

ikpɔ idomo oro enyin fo ekekutde, mme idiɔŋɔ ye ikpɔ utibe ŋkpɔ oro:

MME ŊKE 16:30

Owo oro ɔbɔp enyin esie man ekere ibak: ofip mkpɔk-inua esie, anam idiɔk ŋkpɔ ama.

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

ISAIAH 28:13

Ndien ikɔ Jehovah odu ke otu mmɔ, ibet ɔkɔrɔ ke ibet, ibet ke ibet, ewuhɔ ke ewuhɔ, ewuhɔ ke ewuhɔ; mi esisit, do esisit; kpaŋ mmɔ ekpeka, ekpenyuŋ eduɔ edem-edem, enyuŋ enuaha, enyuŋ esike, enyuŋ emum (ke afia).

ISAIAH 29:9

Mbufo enam ubigi, enyuŋ eyik, ebre mbre, enyuŋ etie nnan; mmɔ eyuhɔ, edi idige wine anam; mmɔ eteŋ, edi idige mmin anam.