Biblia Todo Logo
Bib sou entènèt

- Piblisite -




ISAIAH 6:1 - Edisana ñwed Abasi Ibom

1 KE isua oro edidem Uzziah akpade, ami nnyuŋ ŋkut Ɔbɔŋ etiede ke edikoŋ ye edimenere ebekpo, ndien akwa ekura esie ɔyɔhɔ ke temple.

Gade chapit la Kopi




ISAIAH 6:1
38 Referans Kwoze  

Isaiah eketiŋ ikɔ emi koro enye okutde ubɔŋ Esie; enye ama onyuŋ etiŋ ŋkpɔ abaŋa Enye.


Ndien temple ɔyɔhɔ ye nsuŋikaŋ eke otode ke ubɔŋ Abasi ye odudu Abasi; baba owo kiet inyuŋ ikemeke ndiduk ke esit temple, tutu ufen itiaba emi angel itiaba oro ekamade ekure.


Ŋkut tutu ebekpo ediɔhɔ, andisɔŋɔ usen onyuŋ etie, edisine-ŋkpɔ esie edi afia nte snow, idet ibuot esie onyuŋ ebiet edisana idet erɔŋ: ebekpo esie ebiet edemikaŋ, mme wheel esie edi ikaŋ eke asakde.


Anie ebiet Jehovah Abasi nnyin, emi oduŋde ke enyɔŋ,


Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.


Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.


NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?


O Abasi, koŋ kan enyɔŋ: nyuŋ menere ubɔŋ fo kan ofuri isɔŋ.


Idaha oro ŋkabare ndu ke Spirit; ndien sese, ebekpo ɔdiɔhɔ ke heaven, Anditie ke ebekpo onyuŋ odu.


Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.


Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.


NDIEN ŋkut ŋwed ke ubɔk nnasia Anditie ke ebekpo, emi ewetde ŋkpɔ ke esit-esit ye ke edem-edem; ema enyuŋ eda ufik-ŋkpɔ itiaba esɔŋɔ edian enye.


emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.


Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.


Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.


ŊKUKUT Isaiah eyen Amoz emi enye okokutde abaŋa Judah ye Jerusalem, ke eyo Uzziah, ye Jotham, ye Ahaz, ye Hezekiah, ndidem Judah.


Nneme ye enye ke inua ke inua; ke atatai, idige ke ŋke ikɔ; enye eyenyuŋ okut mbiet Jehovah: mbufo enam naŋa didie mifeheke ndisuk owo mi Moses uyo?


Andidu-uwem ke nsinsi-nsinsi, mbiowo edip ye inaŋ oro eyeduɔŋɔ ke isɔŋ ke iso Anditie ke ebekpo, etuak ibuot enɔ Andidu-uwem ke nsinsi-nsinsi, enyuŋ eyak anyanya mmɔ eduɔŋɔ ke iso ebekpo, ete,


NDIEN nse, ndien, sese, ŋkpɔ nte itiat sapphire, emi etiede nte mbiet ebekpo, odu ke ikpa-enyɔŋ emi odorode mme cherubim ke ibuot; ndien ekut enye ke enyɔŋ mmɔ.


EDIKEM ke ɔyɔhɔ isua edip ye duop, ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ ition, ke ini ami ndude ke otu mbon ntaŋ-mfep ke mben akpa Chebar, enyɔŋ okubɔre, ndien ŋkut ŋkukut Abasi.


Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.


mmɔ enyuŋ edɔhɔ ikpɔ obot ye ikpɔ itiat, ete, Eduɔ efuk nnyin, enyuŋ edip nnyin, man nnyin ibɔhɔ iso Anditie ke ebekpo ye iyat esit Eyen-erɔŋ;


Ekem Azariah ɔsuhɔre ana ye mme ete esie ede; ndien mmɔ ebuk enye ye mme ete esie ke obio David: ndien Jotham eyen esie ada ubɔŋ ke itie esie.


Ndien Enye edi edibɔ ŋwed ke ubɔk nnasia Anditie ke ebekpo.


Anditie ke ebekpo oro onyuŋ ebiet itiat jasper ye sardius ke enyin; akpara onyuŋ akan ebekpo okuk, ebiet emerald ke enyin.


Ndien ke adaŋemi ŋkpɔ-uwem edimende ubɔŋ ye ukpono ye ekɔm enɔ Anditie ke ebekpo, kpa


Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.


Ndien enye ɔdɔhɔ, ete, Mbufo ekop ndien uyo Jehovah; ŋkokut Jehovah etiede ke ebekpo esie, ndien ofuri udim enyɔŋ eda enye ke nnasia ye ke ufien.


Ndien ubɔŋ Jehovah ɔkpɔŋ cherub oro ɔdɔk ke enyɔŋ asaŋudɔk ufɔk; ndien obubit enyɔŋ ɔyɔhɔ ke ufɔk; uyama ubɔŋ Jehovah ɔyɔhɔ ke okure ŋko-ŋko.


Owo Ɔbɔŋ mi emi edikeme didie nditiŋ ikɔ ye Ɔbɔŋ mi emi? koro odudu miduhe mi aba ke idem ndo-ndo emi, ibifik minyuŋ isukke mi ke idem.


Edikem Moses ɔdɔk ye Aaron, ye Nadab, ye Abihu, ye mbiowo Israel ata ye duop;


Ŋkokop mbaŋa fi nte utɔŋ okopde: edi ke emi enyin mi okut fi.


Swiv nou:

Piblisite


Piblisite