ISAIAH 59:4 - Edisana ñwed Abasi Ibom

⁴ Baba owo kiet ikotke (owo) ke edinen ido, baba kiet inyuŋ ikpehe ikpe ke akpanikɔ: mmɔ ebuɔt idem mmɔ ke se idide ikpikpu, enyuŋ edɔhɔ nsu; eyomo ibak, enyuŋ eman ukwaŋ-ŋkpɔ.

ISAIAH 59:4 Referans Kwoze

ŊWED JOB 15:35

Ke eyomo ibak, ke eman idiɔk ido, ndien idibi mmɔ osuk ototim abiaŋa.

JAMES 1:15

Ekem idiɔk udɔŋ ama oyomo, aman idiɔk-ŋkpɔ; idiɔk-ŋkpɔ ama ɔkɔkɔri, osioŋo mkpa.

JEREMIAH 7:8

Sese, mbufo ke ebuɔt idem ke ikɔ nsu eke midoroke owo udori.

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

MICAH 2:1

ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

ISAIAH 30:12

Mmɔdo ntem ke Edisana Abasi Israel ɔdɔhɔ, ete, Koro mbufo esuade ikɔ emi, enyuŋ ebuɔtde idem mbufo ke utuk ye ŋkwaŋa, enyuŋ eberede idem ke esit:

MME ŊKE 4:16

Koro mmɔ midehe idap, ke minamke idiɔk; idap onyuŋ atiam mmɔ, ke mmɔ minamke owo ɔduɔ.

ISAIAH 59:16

Ndien enye okut ete ke owo baba kiet iduhe, onyuŋ eyik koro baba esine-ufɔt miduhe: ndien ubɔk esie anyaŋa ɔnɔ enye: edinen ido esiemɔ onyuŋ omum enye akama.

ISAIAH 59:3

Koro iyip asabarede mbufo ubɔk, idiɔk ido onyuŋ asabare mbufo nnuenubɔk; mkpɔk-inua mbufo ededɔhɔ nsu, edeme mbufo etetiŋ ukwaŋ-ŋkpɔ.

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.

ŊWED MME PSALM 62:4

Mmɔ eduak ndinuk enye kpa ke uforo esie mfep: ema abiaŋa: eda mkpɔk-inua mmɔ ekɔm, edi esuŋi ke esit mmɔ. [Selah.]

ŊWED JOB 15:31

Yak enye okubuɔt idem esie ke idiɔk, eyebiaŋa enye: koro idiɔk eyedi utip esie.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ISAIAH 5:18

Ifɔnke fɔn inɔ mmɔ eke edade uruk nsu edudi idiɔk ido, eda idut ukpat-ŋkpɔ edudi ukwaŋ-ŋkpɔ: mmɔ emi edɔhɔde ete,

ISAIAH 9:15

Ebiowo ye akamba owo edi ibuot; ndien edi prophet eke etemede owo nsu, edi isim.

ISAIAH 10:1

IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;

ISAIAH 26:18

Nnyin ikeyomo, uman okotuk nnyin, etie nte nnyin imande ofum; nnyin ikekwe nte inyaŋade isɔŋ; mme andiduŋ ererimbot inyuŋ imanake.

ISAIAH 28:15

Koro mbufo edɔhɔde, ete, Nnyin imediomi ediomi ye mkpa, inyuŋ isobo esop ye obio ekpo; ke ini ikpa ebede ofuk, idisimke nnyin: koro nnyin inimke nsu ke ebiet ubɔhɔ nnyin, inyuŋ idibede ke abiaŋa.

ISAIAH 29:20

Koro mbon afai emekure, mbon nsahi emenyuŋ etak, enyuŋ esibe kpukpru mmɔ eke etiede eyom ukwaŋkpɔ efep:

ISAIAH 30:9

Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.

ISAIAH 33:11

Mbufo eyeyomo mbio ibokpot, eyeman etak nnyanyaŋa; ibifik mbufo eyeta mbufo nte ikaŋ.

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

ISAIAH 47:10

Ndien afo ɔbuɔt idem fo ke idiɔk ido fo; ɔdɔhɔ ete, Baba kiet ikwe mi. Ikike fo ye ifiɔk fo ekwaŋa fi; afo onyuŋ ɔdɔhɔ ke esit fo, ete, Ami ndu, ndien efen iduhe.

ISAIAH 59:15

Ndien akpanikɔ anana; owo eke akabarede ɔkpɔŋ idiɔk onyuŋ onim idem esie ke ŋkpɔ mbume. Ndien Jehovah okut, ndien ɔdiɔk enye ke enyin, koro edinen ikpe miduhe.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

ŊWED MME PSALM 7:15

Enye otibi obube, onyuŋ otuŋ enye, ndien ɔduɔ ke ukpe emi enye anamde.

ŊWED MME PSALM 12:3

Jehovah eyekpok kpukpru mmɔ eke eyaŋde ke mkpɔk-inua, ye edeme eke ɔdɔhɔde ikpɔ ŋkpɔ.

UTOM MME APOSTLE 24:9

Mme Jew enyuŋ edian uyo edori enye ikɔ, ete, se etiŋde edi ntre.