ISAIAH 59:10 - Edisana ñwed Abasi Ibom

¹⁰ Nnyin ifefiɔŋɔ ibibene nte nnan, ifiɔŋɔ nte mme anana enyin: ituak ukot iduɔ ke ufɔt uwemeyo, kpa nte ke mfuŋ-mfuŋ mbubreyo; ke ata ekim kpa nte mme akpaŋa mkpa.

ISAIAH 59:10 Referans Kwoze

DEUTERONOMY 28:29

ndien afo eyefiɔŋɔ ubɔk ke ufɔt uwem-eyo, kpa nte nnan ɔfiɔŋɔde ke ekim, ŋkpɔ fo idinyuŋ iwɔrɔke usuŋ: ndien afo eyesuk edi se efikde enyuŋ ebumede kpukpru ini, ndien owo eke anyaŋade fi ididuhe.

ŊWED JOB 5:14

Ndien uduak mbon abiaŋa ɔduɔ ibuot-ibuot. Mmɔ etuak ukot ke ekim ke uwemeyo, ke ufɔt uwemeyo ke mmɔ enyuŋ efiɔŋɔ kpa nte ke okoneyo.

ŊWED ESEME 3:6

Enye anam mi ntie ke ebiet emi okimde, nte mme akpa mkpa ke eyo oko.

1 JOHN 2:11

Edi owo eke asuade eyen-ete esie odu ke ekim onyuŋ asaŋa ke ekim, inyuŋ ifiɔkke ɔtɔ nte enye akade, koro ekim okofuk enye enyin.

JOHN 12:40

Enye okotibi mmɔ enyin, onyuŋ ɔsɔŋ mmɔ esit; Mbak mmɔ edida enyin mmɔ ekut usuŋ, enyuŋ eda esit mmɔ ekere ŋkpɔ, Enyuŋ ekabare, ndien nnam udɔŋɔ okure mmɔ.

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

AMOS 8:9

Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

ŊWED ESEME 4:14

esin mmɔ ediyo nte nnan ke mme efak, iyip asabare mmɔ, ndien owo ikemeke ndituk edisine-ŋkpɔ mmɔ.

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

ISAIAH 8:15

Ndien ediwak owo ke otu mmɔ eyetuak ukot ke esit, enyuŋ eduɔŋɔ, enyuŋ enuaha, enyuŋ esike, enyuŋ eduɔ ke mfine.

MME ŊKE 4:19

Usuŋ mme idiɔk owo ebiet ata ekim: mmɔ ifiɔkke se edituahade eduɔŋɔ.

ISAIAH 8:14

Ndien enye eyedi se ufɔk Israel mbiba enimde ke edisana, ye itiat utuaha, ye akwa itiat eke esinde mmɔ eduɔŋɔ, ye afia ye mfine mme andiduŋ Jerusalem.

ISAIAH 28:13

Ndien ikɔ Jehovah odu ke otu mmɔ, ibet ɔkɔrɔ ke ibet, ibet ke ibet, ewuhɔ ke ewuhɔ, ewuhɔ ke ewuhɔ; mi esisit, do esisit; kpaŋ mmɔ ekpeka, ekpenyuŋ eduɔ edem-edem, enyuŋ enuaha, enyuŋ esike, enyuŋ emum (ke afia).

EZEKIEL 21:15

Mma ŋket iso ofut nse kpukpru inua-otop mmɔ man esit ɔduɔ mmɔ, man ŋwure enyuŋ ewak: ah! enam enye ebiet obuma, eban enye ete eda ewot.

MICAH 3:6

mmɔdo mbufo eyenyene okoneyo eke ŋkukut mididuhe; eyenyuŋ okim ye mbufo, ndien idiɔŋ ididuhe; utin eyenyuŋ oduk ikɔt ɔkpɔŋ mme prophet, uwemeyo eyenyuŋ ebire ye mmɔ.