ISAIAH 59:1 - Edisana ñwed Abasi Ibom

¹ SESE, ubɔk Jehovah ikabakede imuhɔ ikan nte enye anyaŋade; utɔŋ esie inyuŋ idobike ikan nte enye okopde;

ISAIAH 59:1 Referans Kwoze

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

NUMBERS 11:23

Ndien Jehovah ɔdɔhɔ Moses, ete, Nte ubɔk Jehovah akabare ɔmuhɔ? Ke emi ke afo edikut mme ikɔ mi eyesu ɔnɔ fi, mme isuhɔ.

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

MATTHEW 13:15

Koro esit mbon emi ama akabare odobi, Utɔŋ mmɔ onyuŋ ɔsɔŋ ndikop ikɔ, Mmɔ enyuŋ ebɔp enyin; Mbak mmɔ edida enyin mmɔ ekut usuŋ, Enyuŋ eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ, Enyuŋ etɔŋɔ ntak ekabare, Ndien Ami nnam udɔŋɔ okure mmɔ.

GENESIS 18:14

ndide akani aŋwan? Nte ŋkpɔ ɔsɔŋ akan Jehovah? Ke ini emi enimde, nyefiak ntiene fi, ke ukabare isua, ndien Sarah eyenyene eyen.

ISAIAH 58:9

Ndien afo eyekot, ndien Jehovah eyeyere; afo eyeseme, ndien enye eyedɔhɔ ete, Se mi. Ke afo ama osio ɔkpɔnɔ, ye erinyanare nnuen-ubɔk, ye oburobut nneme ke otu mbufo efep;

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

ISAIAH 63:1

ANIE edi emi otode ke Edom edi? Esine ediyibe ɔfɔŋ-idem oto ke Bozrah? Enye emi esinede ɔfɔŋ-idem ubɔŋ, ke asaŋa ke uwak odudu esie? Edi ami, emi ndɔhɔde nte enende, nsɔŋɔ ke erinyaŋa.

JEREMIAH 14:9

Nsinam afo ebietde owo mkpa-idem, ebiet ɔkpɔsɔŋ owo eke mikemeke ndinyaŋa? Ndien afo odu ke otu nnyin, O Jehovah, nnyin inyuŋ ikereke enyiŋ fo; kukpɔŋ nnyin.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

MICAH 2:7

Afo emi ekerede ufɔk Jacob, nte emesibe spirit Jehovah ɔmuhɔ? Nte mmɔ emi edi ido esie? Nte ikɔ mi ifɔnke ye owo eke eneŋerede asaŋa?

1 SAMUEL 4:3

Ndien adaŋemi mmɔ edukde ke nna - ekɔŋ, mbiowo Israel edɔhɔ ete, Nsinam Jehovah asuande nnyin mfin emi ke iso mme Philistine? Eyak nnyin idɔŋ ekeda ekebe ediomi Jehovah ke Shiloh esɔk nnyin, man enye edi ke otu nnyin, onyuŋ anyaŋa nnyin osio mme asua nnyin ke ubɔk.

1 SAMUEL 8:18

Ndien mbufo eyeseme ke usen oro ebaŋa edidem mbufo eke edimekde ke idem-mbufo; edi Jehovah idiyereke mbufo ke usen oro.

ŊWED MME PSALM 94:9

Nte anditɔ utɔŋ idikopke? Nte andibot enyin idikwe ŋkpɔ?

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.