ISAIAH 57:1 - Edisana ñwed Abasi Ibom

¹ EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

ISAIAH 57:1 Referans Kwoze

2 NDIDEM 22:20

Mmɔdo, sese, nyeyak fi obono ye mme usɔ, eyenyuŋ emen fi esin ke udi ke ifure; enyin fo idinyuŋ ikwe kpukpru mme idiɔk-ŋkpɔ eke ami ndidade ntiene ebiet emi. Ndien mmɔ emen ikɔ oro, efiak eketiŋ enɔ edidem.

ŊWED MME PSALM 12:1

O JEHOVAH, nyaŋa; koro mbon ima fo ekurede: koro mbon akpanikɔ etrede ke otu nditɔ owo.

2 CHRONICLES 34:28

Ami, ŋko mmokop. Sese, ami nyemen fi ŋkonim ye mme usɔ, eyenyuŋ enim fi ke udi fo ke ifure, enyin fo idinyuŋ ikwe kpukpru ŋkpɔ emi ndidade ntiene ebiet emi, ye mme andiduŋ ke esit. Ndien mmɔ eda ikɔ efiak eketiŋ enɔ edidem.

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

ISAIAH 42:25

Ndien enye ada ikaŋ iyaresit esie ye odudu ekɔŋ aŋwaŋa enye ke idem; ndien oro okim enye ikaŋ akanade okuk, edi enye ifiɔkke; onyuŋ ɔfɔp enye, edi enye inimke ibuot ke esit.

ISAIAH 47:7

Afo okonyuŋ ɔdɔhɔ, ete iyedi ɔbɔŋ aŋwan ke nsinsi: tutu afo etre ndinim ŋkpɔ emi ke esit fo, utihi akpatre esie.

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

2 CHRONICLES 35:24

Ndien ikɔt esie emen enye ke chariot oro efep edori ke udiana chariot emi enye enyenede: ndien mmɔ eda enye edi ke Jerusalem. Ntre ke enye akpa, onyuŋ ɔbuhɔ ke udi mme ete esie. Ofuri Judah ye Jerusalem enyuŋ etuaŋa Josiah.

2 CHRONICLES 32:33

Ekem Hezekiah ɔsuhɔre ana ye mme ete esie ede, ndien mmɔ ebuk enye ke akpan udi nditɔ David: ndien ofuri Judah ye mme andiduŋ Jerusalem ekpono enye ke mkpa esie. Ndien Manasseh eyen esie ada ubɔŋ ke itie esie.

1 NDIDEM 14:13

Ndien ofuri Israel eyetuaŋa enye, enyuŋ ebuk enye: koro enye ikpɔŋ-ikpɔŋ ke eke Jeroboam edibukhɔ ke udi; koro ekutde ete ke se Jehovah Abasi Israel esede ke eti ŋkpɔ odu enye ke esit, ke ufɔk Jeroboam.

ISAIAH 57:11

Afo onyuŋ abak, onyuŋ efehe anie, eke okosude nsu, ndien mutihi mi, munyuŋ ukereke ke esit? Nte ami ndopke uyo toto ke idem eyo oko, ndien afo ubakke mi?

NUMBERS 23:10

Anie abat obu Jacob, ye ibat ɔyɔhɔ Israel inaŋ? Ŋkpakam mkpa mkpa eti owo, utit mi akam onyuŋ etie nte esie!

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

ISAIAH 47:11

Ndien idiɔk ŋkpɔ mmɔŋ edisim fi; ndien afo udufiɔkke usiere esie: nsobo eyenyuŋ ɔduɔ fi ke idem; ndien afo udukwe nte ofimerede enye efep: nditaha eyenyuŋ edi edibuat fi; ndien afo udufiɔkke.

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 22:10

Mbufo ekutuaŋa ebaŋa akpa-mkpa, ekunyuŋ eseme enye: etua eyet eti-eti ebaŋa owo eke edikade, koro enye midinyɔŋke aba, midinyuŋ ikwe aba obio emana esie.

EZEKIEL 21:3

Nyuŋ dɔhɔ isɔŋ Israel, ete, Ntem ke Jehovah ɔdɔhɔ, ete, Sese, ami mmɔŋ nnam ikɔ ye afo; ndien nyesio ofut mi ke efɔk esie, nnyuŋ nsibe eti owo ye idiɔk ke otu mfep.