ISAIAH 53:12 - Edisana ñwed Abasi Ibom

¹² Mmɔdo nyedeme ŋkpɔ ke otu ikpɔ owo nnɔ enye, enye eyenyuŋ edeme mbume ye mkpɔsɔŋ owo; koro enye akaŋwaŋade ukpɔŋ esiemɔ ɔnɔ mkpa: enyuŋ ebatde enye esin ke otu mme anam-idiɔk; enye onyuŋ obiom mme idiɔk ido ediwak owo, eyenyuŋ anam mkpe-ubɔk ɔnɔ mme anam-idiɔk.

ISAIAH 53:12 Referans Kwoze

LUKE 22:37

Koro ndɔhɔ mbufo nte, Se ekewetde ete, Ebat Enye esin ke otu mme abiat-ibet, enyene ndiwɔrɔ nnɔ Mi: koro mme ŋkpɔ eke eketiŋde ebaŋa Mi enyene ndisu.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 JOHN 2:12

Mmewet nnɔ mbufo, ŋkpri nditɔ mi, koro ema efen mme idiɔk-ŋkpɔ mbufo kabaŋa enyiŋ Esie.

MARK 15:27

Mmɔ enyuŋ ekɔŋ mbon ŋwo iba ke cross ye Enye,

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

ŊWED MBON ROME 8:34

Edi Abasi etebe mmɔ ikpe; anie edibiom mmɔ? Ndi Christ Jesus emi akakpade, ŋkpakam ndɔhɔ nte, Jesus emi ekesetde ke mkpa, emi odude ke ubɔk nnasia Abasi, emi onyuŋ anamde mkpe-ubɔk ɔnɔ nnyin?

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.

ŊWED MBON COLOSSAE 2:15

Enye ama adianare mme andikara ye mme enyene-odudu ke Idem Esie efep onim nsan-nsan, ayarare mmɔ aŋwa-aŋwa, ada mmɔ nte mbuot-ekɔŋ ke cross Esie.

ISAIAH 53:8

Esio enye ke ukut ye ke ikpe: ndien anie ekeme ndibuk emana esie? Koro esibede enye efep ke isɔŋ mme odu-uwem: ke abaŋa mme idiɔk ido ikɔt mi ke enye ada ufen.

ŊWED MME PSALM 22:14

Eŋwaŋa mi nte mmɔŋ; kpukpru mme ɔkpɔ mi efebede ŋko; esit mi atara nte mbukpa ɔkwɔk ke ufɔt nsia mi.

ŊWED MME PSALM 2:8

Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

LUKE 23:25

Ntre ke enye asana owo emi ebeŋede ayak, kpa owo emi ekesinde ke ufɔk-ŋkpɔkɔbi ebaŋa ndutime ye obom, onyuŋ ayak Jesus ɔnɔ mmɔ ete enam ye Enye nte mmɔ emade.

MATTHEW 26:42

Enye ɔtɔŋɔ ntak aka ɔyɔhɔ utim ikaba ɔkɔbɔŋ akam ete, O Ete Mi, edieke cup emi mikemeke ndibe ŋkpɔŋ Mi ke mmeŋwɔŋke enye, yak edi nte Afo onyimede.

DANIEL 2:45

koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

ISAIAH 52:15

kpa ntre ke enye edisime ediwak mme idut; ndidem eyekubi inua enɔ enye: koro emekut se miketiŋke inɔ mmɔ, emenyuŋ enim ibuot ke se mmɔ mikokopke.

ISAIAH 52:13

Sese, owo mi eyenam ɔniɔŋ ɔniɔŋ, eyeforo, eyedoro ke enyɔŋ, onyuŋ okoŋ eti-eti.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ŊWED MBON PHILIPPI 2:17

Edi edieke eŋwaŋade mi eduɔk ke enyɔŋ uwa eke mbuɔtidem mbufo adade ɔsɔk Abasi, ndat esit nnyuŋ ntiene kpukpru mbufo ndara;

MARK 15:28

kiet ke ubɔk nasia Esie, enye eken ke ufien.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

EXODUS 15:9

Usua ɔdɔhɔ ete, Nyebine; nyesim; nyedeme mbume: mmɔ eyeyuhɔ itɔŋ mi; nyesio ofut mi; ubɔk mi eyesobo mmɔ.

ŊWED JOB 30:16

Ndien ke emi ukpɔŋ mi atara mi ke idem: mme usen ukut emum mi.

ISAIAH 49:4

Ndien ami ndɔhɔ, nte, Mmanam utom ke ikpikpu, mmɔduɔk nsɔŋidem mi ke se miduhe du, ye ke ikpikpu; ke akpanikɔ ikpe mi odu ye Jehovah, ŋkpɔ-eyen-utom mi onyuŋ odu ye Abasi mi.