ISAIAH 5:5 - Edisana ñwed Abasi Ibom

⁵ Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

ISAIAH 5:5 Referans Kwoze

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

ŊWED ESEME 1:15

Ɔbɔŋ ese kpukpru mbon uko mi ke ufɔt mi ke ndek: enye okot owo esop idem ebaŋa mi, man enuak mkparawa mi. Ɔbɔŋ ama edigi udigi-wine adiaha Judah eyenɔwɔŋ.

ISAIAH 28:18

Ndien eyesɔhi ediomi emi mbufo ediomide ye mkpa efep, ndien esop emi mbufo esopde ye udi ididaha; ke ini ikpa eke ɔtɔde ofuk, ebede, mbufo eyedi se enye edidigide.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

ISAIAH 28:3

Eyeda ukot edigi edikoŋ anyanya mbon mmin Ephraim.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

GENESIS 11:7

Ekam eyak nnyin isuhɔre, inyuŋ itimere usem mmɔ do, man kiet okukop ikɔ kiet eken.

GENESIS 11:4

Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

DANIEL 8:13

Ndien ŋkop nte edisana owo kiet ɔdɔhɔde, ndien edisana owo kiet eken obup enye oro ɔkɔdɔhɔde ete, Adaŋa didie ke ŋkukut onim nsinsi uwa ye uwa idiɔk ido ke se ibiarade, ete enyuŋ edigi edisana ebiet ye udim oro?

ŊWED ESEME 4:12

Ndidem ererimbot ye kpukpru mme andiduŋ ekondo baba kiet ikpenimke ke akpanikɔ, ite ke owo usua ye owo utɔk ekpeduk ke inua-otop Jerusalem.

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

ŊWED MME PSALM 89:40

Omobuŋ kpukpru mme ɔkɔ esie; onyuŋ onim mkpɔsɔŋ ebiet esie ke ŋwure.

MME ŊKE 24:31

Ndien, sese, mbarekpe ɔyɔhɔ kpukpru; mbara ŋkukwɔ-inɔ ofuk enye iso: ɔkɔ itiat esie onyuŋ owure.

ISAIAH 32:10

osuk isua kiet ye udori, mbufo iban ndue-idem eyetimere: koro utet vine eyekpa, eritaŋ ididige.

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 21:4

Ntem ke Jehovah Abasi Israel ɔdɔhɔ, ete, Sese, ami mmɔŋ ŋkabare ŋkpɔ ekɔŋ emi edude mbufo ke ubɔk, emi mbufo edade eŋwana ekɔŋ ye edidem Babylon ye mme Chaldean emi ekande mbufo ekuk ke edem ibibene, efiak edem, ndien nyebon mmɔ ke ufɔt obio emi.

JEREMIAH 28:8

mme prophet oro ekebemde mi ye afo iso ke eyo oko, ekenyuŋ etiŋde prophecy enɔ ediwak mme idut ye ikpɔ obio, etiŋ ebaŋa ekɔŋ, ye idiɔk-ŋkpɔ, ye udɔŋɔ.

JEREMIAH 45:4

Dɔhɔ ntem ye enye, ete, Ntem ke Jehovah ɔdɔhɔ, ete, Sese, ami mmɔŋ ŋwuri se ŋkɔbɔpde, nnyuŋ ndibere se ŋkɔtɔde, kpasuk ofuri isɔŋ oro.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

ŊWED MME PSALM 89:41

Kpukpru mmɔ eke esaŋade ke usuŋ ebe ebume enye: enye edi se mbɔhiduŋ esie esuenede.

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

ŊWED ESEME 2:6

Enye omonyuŋ owuri ɔkɔ esie, kpa nte eke iŋwaŋ: amabiat ebiet esop esie: Jehovah amanam efre usɔrɔ ye sabbath ke Zion, onyuŋ ɔduɔk edidem ye oku ke ikaŋ iyaresit esie.

HOSEA 2:14

Mmɔdo, sese, ami nyetap enye, nnyuŋ nda enye ndi ke wilderness, nnyuŋ ndɔhɔ mfɔn-mfɔn ye enye.