ISAIAH 5:21 - Edisana ñwed Abasi Ibom

²¹ Ifɔnke fɔn inɔ mmɔ eke esede idem mmɔ ke mbon eti ibuot, enyuŋ ebatde idem mmɔ ke ɔniɔŋ.

ISAIAH 5:21 Referans Kwoze

ŊWED MBON ROME 12:16

Enyene esit kiet ye kiet eken. Ekusin esit ke ikpɔ ŋkpɔ, edi esuhɔre idem eduk nsaŋa ye mbon nsuk-idem. Ekunim idem ke mfiɔk-ŋkaha.

MME ŊKE 3:7

Kuse idem fo ke ɔfiɔk ŋkpɔ: teŋe Jehovah, nyuŋ kpɔŋ idiɔk.

MME ŊKE 26:12

Afo ama okut owo eke abatde idem esie ke owo eti ibuot, ndisime owo enyene idorienyin akan enye.

ŊWED MBON ROME 1:22

Mmɔ ete mme imɔ idi mme enyene-ibuot owo,

JOHN 9:41

Jesus ete mmɔ, Edieke mbufo ekpedide nnan, mbufo ikpenyeneke idiɔk-ŋkpɔ: edi ke emi mbufo edɔhɔ ete, Imokut ŋkpɔ: idiɔk-ŋkpɔ mbufo osuk ododu.

MME ŊKE 26:16

Ifem abat idem esie ke ɔfiɔk ŋkpɔ akan owo itiaba eke edade ikike ebɔrɔ.

ŊWED MBON ROME 11:25

Koro nyomke mbufo enana ifiɔk, nditɔ-ete, ebaŋa ndibe ŋkpɔ emi, ete nsɔŋ okomum Israel ubak-ubak, tutu uyɔhɔ ibat mme Gentile eduk edi, mbak mbufo edise idem mbufo ke mme ɔfiɔk-ŋkpɔ owo:

ŊWED JOB 11:12

Edi anana-ibuot owo eyekabare enyene ibuot, ke ini eyen ass ikɔt edikabarede edi owo.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 40:23

emi onimde mbɔŋ ke se miduhe du; anam mme ebier-ikpe ererimbot edi ikpikpu.

ISAIAH 47:10

Ndien afo ɔbuɔt idem fo ke idiɔk ido fo; ɔdɔhɔ ete, Baba kiet ikwe mi. Ikike fo ye ifiɔk fo ekwaŋa fi; afo onyuŋ ɔdɔhɔ ke esit fo, ete, Ami ndu, ndien efen iduhe.

ISAIAH 10:13

Koro enye ɔdɔhɔde, ete: “Nnam emi ke odudu ubɔk mi, ye ke ifiɔk mi; koro mmenyene eti ibuot: ndien nsehere adaŋa mme idut, nnyuŋ mbume inyene emi mmɔ enimde, ndien, nte ɔkpɔsɔŋ owo, nsuhɔre mme andiduŋ: