ISAIAH 49:1 - Edisana ñwed Abasi Ibom

¹ MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ISAIAH 49:1 Referans Kwoze

JEREMIAH 1:5

Ke mmeŋka-mbotke fi kaŋa ke idibi, mma mfiɔk fi; ke afo muka-unyuŋ utoho ke itieeyen, mma ndianare fi nnim nte prophet nnɔ mme idut.

ŊWED MBON GALATIA 1:15

Edi ke adaŋemi Abasi, emi akadianarede mi onim toto ke idibi eka mi, onyuŋ okotde mi ke mfɔn Esie,

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.

LUKE 1:31

Ndien sese, afo eyeyomo, onyuŋ aman eyeneren, onyuŋ osio Enye enyiŋ JESUS.

1 PETER 1:20

emi Abasi ekebemde iso onim ndien ediwuk adaha ererimbot emi; ema enyuŋ eyarare Enye ke ukperedem ini emi, man ɔfɔn ye mbufo.

LUKE 1:15

Koro enye eyekpon ke iso Jehovah; idiŋwɔŋke wine ye ɔkpɔsɔŋ mmin; eyenyuŋ ɔyɔhɔ ye Edisana Spirit toto ke emana esie;

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

ISAIAH 57:19

Jehovah ɔdɔhɔ ete, Mbot mfri mkpɔk-inua; emem, emem, nnɔ owo eke oyomde usuŋ ye owo eke ekperede, ndien nyekɔk enye.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 46:3

Ufɔk Jacob, ye ofuri nsuhɔ ufɔk Israel, emi emenerede toto ke idibi, enyuŋ ebiomde toto ke itie-eyen, mbufo ekop uyo mi;

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ŊWED MBON EPHESUS 2:17

Ndien Enye ama edi edikwɔrɔ emem ɔnɔ mbufo emi ekedude nsan-nsan, ye mmɔ emi edude mkpet-mkpet;

ISAIAH 51:5

Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

ISAIAH 42:12

Eyenim ubɔŋ enɔ Jehovah, enyuŋ ebuk itoro esie ke otu mme isuo.

ISAIAH 41:1

O ISUO, mbufo edop uyo enɔ mi; ndien mme idut eyekop obufa nsɔŋidem: mmɔ eyesaŋa ekpere, ndien eyedɔhɔ ikɔ: nnyin iyedi ikpe ɔtɔ kiet.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ŊWED MME PSALM 22:10

Ke ini oro ŋkamanade eduɔk mi enɔ fi: afo edi Abasi mi, ɔtɔŋɔde ke idibi eka mi.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 33:13

Mbufo ko ekop se nnamde; mbufo mi enyuŋ ediɔŋɔ odudu mi.

ISAIAH 45:3

ndien nyenɔ fi unim ŋkpɔ uto ekim, ye inyene eke odobide, man afo ɔfiɔk, ete ke edi ami Jehovah emi ŋkotde fi enyiŋ, kpa Abasi Israel.

ISAIAH 49:12

Sese, mme mmɔ emi eyeto ke anyan idut edi: sese, mmɔ emi ŋko eto ke edem edere, ye ke edem inyaŋ; mme mmɔ emi ŋko enyuŋ eto ke idut Sinim.

ISAIAH 52:13

Sese, owo mi eyenam ɔniɔŋ ɔniɔŋ, eyeforo, eyedoro ke enyɔŋ, onyuŋ okoŋ eti-eti.