ISAIAH 48:16 - Edisana ñwed Abasi Ibom

¹⁶ Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 48:16 Referans Kwoze

JOHN 18:20

Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

ISAIAH 45:19

Ŋkɔdɔhɔke ke ndibe ebiet, ke ŋkim-ŋkim ebiet isɔŋ: ndɔhɔke ubon Jacob, nte, Mbufo eyom mi ikpikpu: ami Jehovah ndɔhɔ akpanikɔ, ntiŋ se inende.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

ISAIAH 41:1

O ISUO, mbufo edop uyo enɔ mi; ndien mme idut eyekop obufa nsɔŋidem: mmɔ eyesaŋa ekpere, ndien eyedɔhɔ ikɔ: nnyin iyedi ikpe ɔtɔ kiet.

ISAIAH 34:1

MBUFO mme idut edi edikop; mbufo mme obio enyuŋ ekpaŋ utɔŋ: yak ererimbot ye se iyɔhɔde ke esit ekop; ye isɔŋ ye se itibede ke esit.

ISAIAH 43:13

Ndien ŋko toto ke usen oro ami ndi enye; ndien baba owo kiet eke ekemede ndisio ke ubɔk mi iduhe; nyenam ŋkpɔ, ndien anie owo edikabare enye?

ISAIAH 57:3

Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.