ISAIAH 47:8 - Edisana ñwed Abasi Ibom

⁸ Kop emi ndien, O aŋwan usɔrɔ, emi etiede edue idem, emi ɔdɔhɔde ke esit esie, ete, Ami ndu, ndien efen iduhe, ibɔhɔke ami; nditiehe nte ebe-akpa, ndifiɔkke unana-nditɔ.

ISAIAH 47:8 Referans Kwoze

ZEPHANIAH 2:15

Emi edi obio mbre emi etiede ke ndue-idem, emi ɔdɔhɔde ke esit esie, ete, Ami ndu, ndien efen iduhe ke mibɔhɔke ami: enye anam didie akabare edi ikpikpu, ebiet eke mme unam esuhɔrede ena! kpukpru mmɔ eke esaŋade ebe enye eyesi, enyuŋ efuŋ ubɔk mmɔ.

ISAIAH 32:9

Mbufo iban emi enanade ekikere, edaha ke enyɔŋ, ekop uyo mi; nditɔ-iban emi etiede ke ndue-idem, mbufo ekpaŋ utɔŋ ke se ndɔhɔde:

JEREMIAH 50:11

Koro esit ekadatde mbufo, koro mbufo ekebrede mbre, mbufo mme ndibiat udeme mi, koro mbufo efrɔde nte abak uman enaŋ ke mbiet, enyuŋ esiorode uyo nte nyara horse:

ISAIAH 47:10

Ndien afo ɔbuɔt idem fo ke idiɔk ido fo; ɔdɔhɔ ete, Baba kiet ikwe mi. Ikike fo ye ifiɔk fo ekwaŋa fi; afo onyuŋ ɔdɔhɔ ke esit fo, ete, Ami ndu, ndien efen iduhe.

ISAIAH 45:6

man mmɔ efiɔk ke edem usiaha-utin, ye ke edem usop-utin, ete ke baba kiet iduhe ke mibɔhɔke ami, ami ndi Jehovah, ndien baba efen iduhe.

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

NAHUM 1:10

Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 5:30

Ke okoneyo oro ewot Belshazzar edidem mme Chaldean.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

JUDGES 18:27

Ntre mmɔ eda se Micah akanamde, ye oku oro enye enyenede, edi ke Laish, ke obio ifure ye eke ndue-idem: ndien ewot mmɔ ke iso ofut, enyuŋ efɔp obio oro ke ikaŋ.

JUDGES 18:7

Ndien owo ition oro eto eka ekesim ke Laish, enyuŋ ekut mmɔ eke edude ke esit, nte eduŋde ke ndue-idem, nte mme Zidonian ekam enamde, ke ifure ye ke ndue-idem; ndien baba owo kiet eke akadade ubɔŋ ke idem esie, onyuŋ anamde mmɔ idiɔk-ŋkpɔ ekededi, iduhe ke isɔŋ oro; mmɔ enyuŋ eyom usuŋ ye mme Zidonian, ndien isaŋake ŋkpɔ ye baba owo kiet.

ISAIAH 14:14

nyedɔk ŋkan ŋkokoŋo mbubit enyɔŋ; nyenim idem mi nte Ata Edikoŋ.”

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

ISAIAH 45:5

Ami ndi Jehovah, ndien efen iduhe du, Abasi iduhe ke mibɔhɔke ami, mbɔbɔ fi mbɔbɔ, ndien afo ufiɔkke mi:

JEREMIAH 49:31

Jehovah ɔdɔhɔ, ete, Mbufo edaha ke enyɔŋ edɔk ke ɔtɔ idut ndue idem, emi eduŋde ke mfre idem, mmɔ inyeneke itim ye eto usin usuŋ, mmɔ eduŋ ke idem mmɔ ikpɔŋ.

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

EZEKIEL 30:9

Ke usen oro mme isuŋ-utom eyeto ke iso mi ediere ke ubom, eka ndinam nditɔ Ethiopia ndue-idem edikhe, ndien akwa ndik eyenam mmɔ, kpa nte eke usen Egypt: koro, sese, ke edi.

DANIEL 4:4

Ami Nebuchadnezzar ŋkodu ke ufɔk mi, nnyuŋ mforo ke akwa ufɔk mi:

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

NAHUM 3:4

Emi oto ke uwak use ata ediye akpara, eka idiɔŋ, emi anyamde mme idut ke use esie, onyuŋ anyamde mme ufɔk ke idiɔŋ esie.

HABAKKUK 1:7

Idut oro edi mkpa-idem ye eka-ndik: ikpe mmɔ ye ubɔŋ mmɔ eto ke idem mmɔ.