ISAIAH 47:11 - Edisana ñwed Abasi Ibom

¹¹ Ndien idiɔk ŋkpɔ mmɔŋ edisim fi; ndien afo udufiɔkke usiere esie: nsobo eyenyuŋ ɔduɔ fi ke idem; ndien afo udukwe nte ofimerede enye efep: nditaha eyenyuŋ edi edibuat fi; ndien afo udufiɔkke.

ISAIAH 47:11 Referans Kwoze

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

ERIYARARE 3:3

Ti ndien usuŋ nte akasaŋade ɔbɔ enyene, ye adaŋa nte okokopde, nyuŋ kpeme, nyuŋ kabare esit. Edieke mudu-kpemeke, nyedi nte inɔ, ndien udufiɔkke ini eke ndibuatde fi.

LUKE 12:59

Ndɔhɔ fi nte, uduwɔrɔke do, tutu osio akpatre okuk isɔn fo.

ŊWED MME PSALM 50:22

O mbufo emi efrede Abasi, etim ese emi, mbak ndiwai mbufo mbak-mbak, ndien owo eke anyaŋade iduhe.

NEHEMIAH 4:11

Ndien mme asua nnyin edɔhɔ, ete, “Mmɔ idifiɔkke, idinyuŋ ikwe, tutu nnyin iduk ke otu mmɔ, inyuŋ iwot mmɔ, inyuŋ inam utom mmɔ edop.”

MATTHEW 18:34

Ndien ete esie ayat esit ye enye, onyuŋ ayak enye esin ke ubɔk mme andituhɔre owo, tutu enye osio kpukpru se enye akamade.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

LUKE 17:27

Mmɔ ekadia ŋkpɔ enyuŋ eŋwɔŋ ŋkpɔ; mmɔ edɔ ndɔ enyuŋ eda owo enɔ ke ndɔ, tutu osim usen emi Noah odukde ke ubom, ndien ukwɔ edi edisobo mmɔ kpukpru.

ŊWED MME PSALM 35:8

Yak nsobo eke enye mifiɔkke osim enye: yak iyire esie emi enye odipde omum enye: yak enye ɔduɔ ke esit osobo.

ŊWED MME PSALM 55:15

Nsobo ke odoro mmɔ ke idem; mmɔ eyesuhɔre ndisi ke obio ekpo; koro ibak odude ke iduŋ mmɔ, ye ke esit mmɔ.

ŊWED MME PSALM 73:19

Didie ke mmɔ ekabare edi ŋkpɔ nsobo ke idaha kiet! Mmɔ emekure ke akpakop ŋkpɔ ndik.

MME ŊKE 13:21

Idiɔk eyebine mme anam-idiɔk: edi eyeda ufɔn enɔ nti owo ke ŋkpɔ eyen utom.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 29:5

Ndien akwa otu isen owo fo eyebiet obu, akwa otu mbon afai eyenyuŋ ebiet mbio eke ekpɔride efep: ndien ŋkpɔ emi eyebuat ke ini kiet.

ISAIAH 30:13

oro esin idiɔk ido emi etiede ye mbufo nte ubak edikoŋ ibibene eke ɔbuŋɔde oyom ndiduɔ, ɔnyuhɔde, ndien okibe ini kiet, owure ɔduɔ.

ISAIAH 45:7

Mbot uŋwana, nnyuŋ mbot ekim: nnam emem, nnyuŋ mbot idiɔk: ami Jehovah nnam kpukpru ŋkpɔ emi.

ISAIAH 47:9

Edi ŋkpɔ mbiba emi eyesim fi ke idaha, ke usen kiet, unana nditɔ, ye unana ebe: kpukpru mmɔ emesim fi, ebaŋa ediwak idiɔŋ fo, ye uwak uŋwaŋ fo.

ISAIAH 48:8

Afo ukokopke ŋko; unyuŋ ufiɔkke ŋko; utɔŋ fo ikonyuŋ itarake tutu ko: koro ŋkɔfiɔkde nte ke afo eyebiaŋa eti-eti; afo onyuŋ ekere anam-idiɔk toto nte akamamana.

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

JEREMIAH 51:8

Babylon ɔmɔduɔ ke isɔrɔ kiet onyuŋ owure: mbufo etua enye; eda balm enɔ unan esie, mme eyekeme ndikɔk enye.

JEREMIAH 51:29

Ndien isɔŋ eyenyek onyuŋ okop ubiak: koro uduak Jehovah ete inim isɔŋ Babylon ke ndon anana owo eke oduŋde, eyesu ɔnɔ Babylon.

JEREMIAH 51:43

Mme obio esie ekabare edi ndon, edisat isɔŋ ye wilderness, isɔŋ eke baba owo kiet miduŋke ke esit, eyen owo midinyuŋ isaŋake ke esit ibe.

ŊWED ESEME 1:21

Mmɔ ekop ete ke ami nseme; nnyuŋ nnyeneke owo eke ɔdɔŋde mi esit: kpukpru mme asua mi ekop ebaŋa idiɔk itie mi; esit adat mmɔ, koro afo anamde mi: afo eyeda usen eke afo okokotde edi, man mmɔ ebiet mi.

EZEKIEL 7:26

Idiɔk eyetiene idiɔk; etop eyenyuŋ ɔkɔrɔ ke etop; ndien mmɔ eyeyom ŋkukut prophet: ewuhɔ oku eyenyuŋ atak, ye item mbio-owo.