ISAIAH 47:10 - Edisana ñwed Abasi Ibom

¹⁰ Ndien afo ɔbuɔt idem fo ke idiɔk ido fo; ɔdɔhɔ ete, Baba kiet ikwe mi. Ikike fo ye ifiɔk fo ekwaŋa fi; afo onyuŋ ɔdɔhɔ ke esit fo, ete, Ami ndu, ndien efen iduhe.

ISAIAH 47:10 Referans Kwoze

ISAIAH 5:21

Ifɔnke fɔn inɔ mmɔ eke esede idem mmɔ ke mbon eti ibuot, enyuŋ ebatde idem mmɔ ke ɔniɔŋ.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

ŊWED MBON ROME 1:22

Mmɔ ete mme imɔ idi mme enyene-ibuot owo,

ŊWED MME PSALM 52:7

“Se owo emi minimke Abasi ke odudu esiemɔ: edi ɔbuɔt idem esie ke uwak inyene esie, onyuŋ ɔsɔŋɔ ke ibak esie.”

EZEKIEL 8:12

Ndien enye obup mi, ete, Eyen owo, nte afo omokut se mbiowo Israel enamde ke ekim, kpukpru kiet kiet ke ubet mbiet ŋkpɔ mmɔ? koro mmɔ edɔhɔde, ete, Jehovah ikwe nnyin; Jehovah ɔmɔkpɔŋ edem emi.

ISAIAH 59:4

Baba owo kiet ikotke (owo) ke edinen ido, baba kiet inyuŋ ikpehe ikpe ke akpanikɔ: mmɔ ebuɔt idem mmɔ ke se idide ikpikpu, enyuŋ edɔhɔ nsu; eyomo ibak, enyuŋ eman ukwaŋ-ŋkpɔ.

1 ŊWED CORINTH 3:19

Koro ifiɔk ererimbot emi edi ndisime ke iso Abasi. Koro ewet ete, Enye omum mme enyene-ibuot owo ke ŋkari mmɔ;

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

ECCLESIASTES 8:8

Baba owo kiet idige etubom spirit, eke edimumde spirit akama; baba owo kiet inyuŋ idige etubom ke usen mkpa: inyuŋ iyakke baba owo kiet ɔkpɔŋ ekɔŋ emi; idiɔk ido idinyuŋ inamke mme anditiene enye ebɔhɔ.

ŊWED MME PSALM 64:5

Mmɔ esɔŋɔ idiɔk ikɔ enɔ idem mmɔ; eneme ebaŋa eridip afia; mmɔ edɔhɔ, ete, “Anie owo edise mmimɔ?”

ISAIAH 28:15

Koro mbufo edɔhɔde, ete, Nnyin imediomi ediomi ye mkpa, inyuŋ isobo esop ye obio ekpo; ke ini ikpa ebede ofuk, idisimke nnyin: koro nnyin inimke nsu ke ebiet ubɔhɔ nnyin, inyuŋ idibede ke abiaŋa.

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

ISAIAH 47:8

Kop emi ndien, O aŋwan usɔrɔ, emi etiede edue idem, emi ɔdɔhɔde ke esit esie, ete, Ami ndu, ndien efen iduhe, ibɔhɔke ami; nditiehe nte ebe-akpa, ndifiɔkke unana-nditɔ.

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

ZEPHANIAH 2:15

Emi edi obio mbre emi etiede ke ndue-idem, emi ɔdɔhɔde ke esit esie, ete, Ami ndu, ndien efen iduhe ke mibɔhɔke ami: enye anam didie akabare edi ikpikpu, ebiet eke mme unam esuhɔrede ena! kpukpru mmɔ eke esaŋade ebe enye eyesi, enyuŋ efuŋ ubɔk mmɔ.