ISAIAH 44:7 - Edisana ñwed Abasi Ibom

⁷ Ndien anie edikwɔrɔ enye nte ami, onyuŋ etiŋ enye, onyuŋ emenere enye ɔnɔ mi, toto nte ŋkonim mbon eset? Mme anie edinyuŋ emen ŋkpɔ ini iso ye ŋkpɔ eke edidide, etiŋ enɔ mmɔ?

ISAIAH 44:7 Referans Kwoze

ISAIAH 41:26

Anie owo eketiŋ ke eritɔŋɔ, man nnyin ifiɔk? ye ke eset, man nnyin idɔhɔ ite, Enen? Ŋkɔm baba owo kiet eke etiŋde iduhe, ŋkɔm baba owo kiet eke obupde iduhe, ŋkɔm baba owo kiet eke okopde ikɔ mbufo iduhe.

ISAIAH 41:22

Yak eda mmɔ edi, enyuŋ ewut nnyin se idiwɔrɔde: yak ewut nnyin mbemiso ŋkpɔ se edide, ndien nnyin iyenim ibuot ke esit, inyuŋ ifiɔk utit mmɔ; midige ntre, yak mmɔ enam nnyin ikop ŋkpɔ eke edidide.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

ISAIAH 43:12

Ami ŋketiŋ nnyuŋ nnyaŋa, nnyuŋ nnam mbufo ekop, ndien baba esen abasi kiet iduhe ke otu mbufo: Jehovah onyuŋ ɔdɔhɔ ete, Mbufo edi ntiense mi, ndien ami ndi Abasi.

ISAIAH 43:9

Kpukpru mme idut emebono ɔtɔ kiet, mme obio emenyuŋ esop idem: anie ke otu mmɔ editiŋ emi, onyuŋ anam nnyin ikop mbemiso ŋkpɔ? Yak mmɔ enɔ ntiense mmɔ, enyuŋ ekaŋ idem mmɔ: ndien yak mmɔ ekop, enyuŋ edɔhɔ, ete, Akpanikɔ.

ISAIAH 41:4

Anie ekesin okonyuŋ anam, ke okot mme emana toto ke eritɔŋɔ? ami Jehovah, akpa, emi nnyuŋ ndude ke akpatre; ami ndi Enye.

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.

ISAIAH 41:23

Mbufo etiŋ se ididide ke ukperedem, ndien nnyin iyefiɔk ite ke mbufo edi Abasi: enam eti ŋko enyuŋ enam idiɔk, ndien nnyin iyese kiet eken, inyuŋ ikut ini kiet.

ISAIAH 19:12

Enye mbon eti ibuot fo? Yak mmɔ esian fi ndien, enyuŋ efiɔk se Jehovah mme udim aduakde abaŋa Egypt.