ISAIAH 44:5 - Edisana ñwed Abasi Ibom

⁵ Emi eyedɔhɔ, ete, Ami mmenyene Jehovah; emi ŋko eyeseme okot enyiŋ Jacob, ndien emi eyeda ubɔk esiemɔ ewet, ete, Eke Jehovah, onyuŋ ada enyiŋ Israel adian idem.

ISAIAH 44:5 Referans Kwoze

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ŊWED MBON GALATIA 6:16

Emem ye mbɔm akpakam odoro kpukpru mme andisaŋa ke item emi ke idem, onyuŋ odoro Israel Abasi.

2 ŊWED CORINTH 8:5

Mmɔ enam ebe nte ikedoride enyin; edi mmɔ ekebem iso eyak idem enɔ Ɔbɔŋ, enyuŋ eyak idem esin nnyin ke ubɔk, nte Abasi amade.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

ŊWED MME PSALM 116:16

Mbɔk, O Jehovah, ami ndi owo fo; eyen ofin aŋwan fo: afo amatat mi uruk.

NEHEMIAH 9:38

Ndien kpukpru ŋkpɔ emi esin nnyin idiomi ediomi, inyuŋ iwet; ndien mbɔŋ nnyin, ye mme Levite nnyin, ye mme oku nnyin, enyuŋ efik ke ufik-ŋwed mmɔ.

EXODUS 13:9

Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

ŊWED MBON GALATIA 6:17

Ɔtɔŋɔde ke emi baba owo kiet okutimere mi, koro mbiomde idiɔŋɔ Jesus ke idem nsaŋa.

JEREMIAH 32:10

Ndien ŋwet nsin ke ŋwed, mbɔp nsin idiɔŋɔ, nnyuŋ ŋkot ntiense edi, nnyuŋ ndomo silver ke ŋkpɔ udomo.

2 CHRONICLES 36:23

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot: enye omonyuŋ owuk mi, ete ndiɔŋ ufɔk nnɔ imɔ ke Jerusalem, emi odude ke Judah. Anie owo ikɔt esie kpukpru odu ke otu mbufo? Yak Jehovah Abasi esie odu ye enye, yak enye onyuŋ ɔdɔk.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.