ISAIAH 44:4 - Edisana ñwed Abasi Ibom

⁴ Ndien mmɔ eyefiari nte ke mbiet, ye nte willow ke mben idim mmɔŋ.

ISAIAH 44:4 Referans Kwoze

ISAIAH 58:11

ndien Jehovah eyeda fi usuŋ kpukpru ini, onyuŋ ɔyuhɔ ukpɔŋ fo ke nda-eyo, onyuŋ anam mme ɔkpɔ fo esɔŋɔ: ndien afo eyebiet iŋwaŋ eke ebitde, ebiet idim mmɔŋ eke mmɔŋ esie mibiaŋake.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

EZEKIEL 17:5

Enye onyuŋ ada ndusuk mkpasip isɔŋ ɔkɔtɔ enye ke iŋwaŋ mkpasip; ada aka ke mben akwa mmɔŋ, ɔtɔ enye nte willow.

UTOM MME APOSTLE 4:4

Edi ediwak mmɔ emi ekopde ikɔ mme apostle enim ke akpanikɔ; ibat ikɔt Abasi onyuŋ ɔkɔri ekpere ndisim thousand owo ition.

UTOM MME APOSTLE 5:14

ndien mmɔ eke enimde ke akpanikɔ ediana ye Ɔbɔŋ edɔdiɔŋ ewak, mme otu owo, iren ye iban;

ISAIAH 61:11

Koro kpa nte isɔŋ osioŋode ŋkpɔ emi ɔkɔride ke esit, ye nte iŋwaŋ ŋko onyuŋ otibede se etɔde ke esit: kpa ntre ke Ɔbɔŋ Jehovah edinam edinen ido ye itoro etibe ke iso kpukpru mme idut.

LEVITICUS 23:40

Ndien ke akpa usen ke mbufo edida ŋkɔk ndiye eto, mkpabak eyop, ye ŋkɔk mfuhɔ-mfuhɔ eto, ye willow idim mmɔŋ ke idem mbufo; enyuŋ edara ke iso Jehovah Abasi mbufo ke ofuri usen itiaba.

ŊWED JOB 40:22

Lotus ofuk enye ke mfuhɔ esie: mme willow ke mben idim ekan enye ekuk.

ŊWED JOB 5:25

Afo eyenyuŋ ɔfiɔk ete ke nditɔ fo ediwak, ke ubon fo edinyuŋ etie nte mbiet isɔŋ.

ISAIAH 48:19

Ndien nditɔ fo ekpebiet ntan, se iwɔrɔde fi ke idibi okponyuŋ ebiet se iwɔrɔde enye ke idibi; ikpesibeke ikponyuŋ isoboke enyiŋ esie ifep ke iso mi.