ISAIAH 44:2 - Edisana ñwed Abasi Ibom

² Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 44:2 Referans Kwoze

JEREMIAH 1:5

Ke mmeŋka-mbotke fi kaŋa ke idibi, mma mfiɔk fi; ke afo muka-unyuŋ utoho ke itieeyen, mma ndianare fi nnim nte prophet nnɔ mme idut.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ISAIAH 43:7

kpa kpukpru mmɔ eke ekerede enyiŋ mi: ndien mmanam enye mbaŋa ubɔŋ mi, mbot enye, ŋkɔm mmanam enye.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ŊWED MBON EPHESUS 1:4

Abasi ekemek nnyin ke Enye ndien ediwuk adaha ererimbot, ete nnyin ikpasana inyuŋ inana ndo ke iso Imɔ.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ŊWED MBON ROME 8:30

ndien mmɔ emi Enye ekebemde iso onim ntem, ke Enye onyuŋ okot mmɔ; mmɔ emi Enye okotde, ke Enye etebe mmɔ ikpe; ndien mmɔ emi Enye etebede mmɔ ikpe, ke Enye onyuŋ ɔnɔ mmɔ ubɔŋ.

ŊWED MME PSALM 71:6

Mma mbere edem ye afo toto ŋkamamana: afo ama ɔkɔ mi nte ŋkoto eka mi ke idibi: itoro mi odu fi ke idem kpukpru ini.

ISAIAH 43:21

Mma mbot mbio emi nnɔ idem mi; mmɔ eyebuk itoro mi.

1 ŊWED THESSALONICA 1:4

Nditɔ-ete emi Abasi amade, nnyin imɔfiɔk erimek eke Abasi ekemekde mbufo, ite gospel nnyin ikedige ke ɔtɔ mbufo nte ikɔ ikpɔŋ,

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

MME HEBREW 4:16

Mmɔdo eyak nnyin isaŋa ikpere ebekpo mfɔn ye uko, man nnyin ibɔ mbɔm, inyuŋ ikut mfɔn eke ediŋwamde nnyin ke ini nnan-enyin.

ISAIAH 44:21

Ti ŋkpɔ emi, O Jacob, ye Israel; koro afo edide owo mi: mma mbot fi; afo edi owo mi: O Israel, ndifreke fi.

ŊWED MME PSALM 46:5

Abasi odu enye ke esit; enye idisehekede: Abasi eyenyeŋa enye ke ata usenubɔk.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

DEUTERONOMY 33:5

Enye okonyuŋ edi edidem ke Jeshurun, ke adaŋemi ikpɔ owo obio ye mme esien Israel esopde idem mmɔ ke ɔtɔ kiet.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 33:26

O Jeshurun, baba kiet eke ebietde Abasi iduhe; enye odoro ke enyɔŋ anyaŋa fo, onyuŋ ada ubɔŋ esie odoro ke ikpa-enyɔŋ.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ISAIAH 45:11

Emi edi uyo Jehovah Edisana Abasi Israel, ye andibot enye; mbufo ebup mi ŋkpɔ edidide: ama edi nditɔ mi, ye utom ubɔk mi, mbufo eyak mi ŋkere mmɔ.

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

ŊWED MME PSALM 95:6

Mbufo edi, nnyin ituak ibuot inyuŋ inuhɔ: inyuŋ itɔŋɔ edɔŋ ke iso Jehovah andinam nnyin.