ISAIAH 44:10 - Edisana ñwed Abasi Ibom

¹⁰ Anie owo okobot abasi kiet, onyuŋ anam editara mbiet eke midoroke udori?

ISAIAH 44:10 Referans Kwoze

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

HABAKKUK 2:18

Edisɔi mbiet odoro owo nso udori koro andibot enye ɔsiɔide enye? Editara mbiet ye andikpep nsu edoro owo nso udori, koro andibot ŋkpɔ-usɔ esie ɔbuɔtde idem ke esit, onyuŋ anamde ŋkpɔ eke edide ikpikpu ye imum?

UTOM MME APOSTLE 19:26

Mbufo emenyuŋ ekut enyuŋ ekop ete, idige ke Ephesus ikpɔŋ-ikpɔŋ, edi ayak esisit ke ofuri Asia nde, Paul emi ama ada ndutiŋ esie oduri ediwak owo ada, ekpep ete mme abasi, eke owo anamde ke ubɔk, idige Abasi.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

DANIEL 3:14

Ndien mmɔ edida ke iso edidem. Nebuchadnezzar ɔbɔrɔ onyuŋ ɔdɔhɔ mmɔ, ete, Shadrach, Meshach, Abednego, nte mbufo ekekoi enam? Nte mbufo inamke ŋkpɔ inɔ abasi mi, inyuŋ ituakke ibuot inɔ owo o-gold emi ŋkonimde?

DANIEL 3:1

NEBUCHADNEZZAR edidem akanam akamba owo o-gold: idaha esie edi ibio-idomo-okuk ata: ubom esie edi ibio-idomo-okuk itiokiet: ndien onim enye ke una-isɔŋ Dura ke esien Babylon.

ISAIAH 41:29

Sese, kpukpru mmɔ edi ikpikpu; utom mmɔ onyuŋ edi se miduhe du: nditara mbiet mmɔ edi ofum ye ikpikpu.

1 NDIDEM 12:28

Ndien edidem ekere, onyuŋ ada gold anam nditɔ enaŋ iba, onyuŋ ɔdɔhɔ mmɔ ete, Akan mbufo ndidɔk ke Jerusalem: O Israel, se mme abasi emi ekedade mbufo ke isɔŋ Egypt edɔk edi.

ŊWED MME PSALM 115:4

Mme abasi mmɔ edi silver ye gold, kpa ŋkpɔ eke ubɔk owo anamde.

ISAIAH 40:19

Owo-usɔ anam editara mbiet, odom-gold onyuŋ ada gold ofuk enye, onyuŋ atara silver anam ŋkpɔkɔbi.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.