ISAIAH 43:2 - Edisana ñwed Abasi Ibom

² Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

ISAIAH 43:2 Referans Kwoze

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

ŊWED MME PSALM 66:12

Afo ayak owo odoro nnyin ke ibuot; nnyin ikoduk ke ikaŋ ye ke mmɔŋ: ndien afo ada nnyin ɔwɔrɔ ɔnɔ ediwak inyene.

ŊWED MME PSALM 23:4

Ndien ŋko ke ini ndisaŋade ke itihere mfut mkpa, ndifeheke idiɔk: koro afo odude ye ami; edi eto fo ye esaŋ fo edidɔŋ mi esit.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

MME HEBREW 11:29

Oto mbuɔtidem mmɔ esaŋa ke Ididuot Inyaŋ ebe, nte owo ebe ke edisat isɔŋ; ndien, ke ini mbon Egypt edomode ndinam kpasuk ntre, mmɔ esomo ke mmɔŋ.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

ŊWED MME PSALM 66:10

Koro afo odomode nnyin, O Abasi: omoduk nnyin, kpa nte edukde silver.

EXODUS 14:29

Edi nditɔ Israel esaŋa ke edisat isɔŋ ke ufɔt inyaŋ ebe; mmɔŋ onyuŋ ada mmɔ nte ibibene ke ubɔk nnasia ye ke ubɔk ufien.

2 ŊWED TIMOTHY 4:17

Edi Ɔbɔŋ adada mi ke ŋkaŋ, ɔsɔŋɔ mi esit nditiŋ ikɔ gospel ɔyɔhɔ-ɔyɔhɔ, man kpukpru mme Gentile ekop: ntem ke Enye anyaŋa mi osio ke inua lion.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

2 ŊWED TIMOTHY 4:22

Ɔbɔŋ akpakam odu ye spirit fo. Mfɔn akpakam odu ye mbufo.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ISAIAH 30:27

Sese, enyiŋ Jehovah ke oto ke anyan ebiet edi, iyaresit esie ke asak, edemikaŋ onyuŋ odobi: ifuresit ɔyɔhɔ enye ke mkpɔk-inua, edeme esie onyuŋ ebiet ikaŋ eke asakde.

ISAIAH 29:6

Ndien obuma, ye unyek-isɔŋ, ye akwa uyom, ye idio, ye oyobio, ye edemikaŋ eke etade, eyeto Jehovah mme udim, edinam fi.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

EXODUS 3:12

Ndien Enye ɔdɔhɔ ete, Nditreke ndidu ye afo; ndien emi eyedi idiɔŋɔ fo, ete ke edi ami ndɔŋ fi utom: ke ini afo ama ada mbio oro ke Egypt ɔwɔrɔ, mbufo eyenam ŋkpɔ enɔ Abasi ke akamba obot emi.

ŊWED MME PSALM 32:6

Emi eyesin kpukpru mbon-ima fo ekpe fi ubɔk ke ini eke edikutde fi: ŋkɔm ke ini ukwɔ akamba mmɔŋ, mmɔ idisimke enye.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

JEREMIAH 42:11

Mbufo ekufehe ndik ke iso edidem Babylon emi mbufo efehede enye; Jehovah ɔdɔhɔ ete, Mbufo ekufehe enye: koro ami ndude ye mbufo ndinyaŋa mbufo, ndinyuŋ nsio mbufo ke ubɔk esie.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

DANIEL 3:23

Ke ntre ke owo mbita oro, Shadrach ye Meshach ye Abednego emi ekebɔpde, eduɔŋɔ ke ufɔt akwa ikaŋ oro asakde.

HAGGAI 1:13

Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.

ŊWED JOB 5:19

Enye eyesio fi ke ukut itiokiet efep: ndien ke itiabaidiɔk-ŋkpɔ idisimke fi.