ISAIAH 43:1 - Edisana ñwed Abasi Ibom

¹ NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 43:1 Referans Kwoze

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ISAIAH 43:7

kpa kpukpru mmɔ eke ekerede enyiŋ mi: ndien mmanam enye mbaŋa ubɔŋ mi, mbot enye, ŋkɔm mmanam enye.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

ISAIAH 43:21

Mma mbot mbio emi nnɔ idem mi; mmɔ eyebuk itoro mi.

ISAIAH 42:6

Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

JEREMIAH 50:34

Andifak mmɔ edi ɔkpɔsɔŋ, Jehovah mme udim edi enyiŋ esie: enye iditreke ndikpe ikpe mmɔ, man anam isɔŋ etie suŋ, onyuŋ anam mme andiduŋ Babylon enyek idem.

EXODUS 33:17

Ndien Jehovah ete Moses, Nyenam idem ŋkpɔ emi afo ɔdɔhɔde: koro nnende iso ye afo, mmonyuŋ mfiɔk enyiŋ fo.

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.

UTOM MME APOSTLE 27:25

Mmɔdo, mme ete, esɔŋ esit: koro mmonim Abasi ke akpaniko: mmonim nte eyewɔrɔ osu kpa nte etiŋde enɔ mi.

JEREMIAH 31:3

Ke eyo oko Jehovah okowut mi idem, ete, Mmama fi nsinsi ima: mmɔdo mfɔnde ido ye afo mbigi.

GENESIS 32:28

Ndien Enye ɔdɔhɔ ete, Enyiŋ fo idikereke aba Jacob, edi Israel: koro afo amaŋwana ye Abasi, omonyuŋ aŋwana ye owo, onyuŋ

ŊWED MME PSALM 102:18

Eyewet emi enɔ emana ke iso: ndien mbio emi edibotde eyetoro Jehovah.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

JEREMIAH 33:24

Nte afo ukwe se mbio emi edɔhɔde, ete ke Jehovah emen ufɔk mbiba emi enye ekemekde mmɔ ɔduɔk? Ntre ke mmɔ esin ikɔt mi ke ndek, inyuŋ ibatke aba mmɔ ke obio.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

ISAIAH 48:17

Ntem ke Jehovah, andifak fi, kpa Edisana Abasi Israel, ɔdɔhɔ, ete, Ami ndi Jehovah Abasi fo, emi ŋkpepde fi usuŋ udori, nda fi usuŋ eke afo edisaŋade.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

EXODUS 15:13

Ima fo esin fi ada ikɔt emi afo akafakde ɔwɔrɔ; ada odudu fo eteme mmɔ usuŋ edisana ebiet fo.

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

UTOM MME APOSTLE 27:20

Ke ini nnyin mikemeke aba ndikut utin ye ntantafiɔŋ ediwak usen, ata akwa oyobio onyuŋ amiade nnyin, nnyin iduɔk ofuri idori-enyin ubɔhɔ.

EXODUS 15:16

Ndik ye mbɔribɔ eyefuk mmɔ: akwa ubɔk fo eyesin mmɔ edobo nte itiat, tutu ikɔt fo, O Jehovah, ebe; tutu ikɔt emi afo edepde ebe.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

ISAIAH 52:9

Mbufo mme ŋwure Jerusalem, ebumere ekwɔ uyo kiet: koro Jehovah ɔdɔŋde ikɔt esie esit:

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

ISAIAH 45:11

Emi edi uyo Jehovah Edisana Abasi Israel, ye andibot enye; mbufo ebup mi ŋkpɔ edidide: ama edi nditɔ mi, ye utom ubɔk mi, mbufo eyak mi ŋkere mmɔ.

ISAIAH 49:26

Ndien nyenɔ mmɔ eke efikde fi obuk idem mmɔ eta; ndien mmɔ eyeŋwɔŋ iyip idem mmɔ ekpa, nte ke obufa wine: ndien ofuri obukidem eyefiɔk, ete ke ami Jehovah ndi andiyaŋa fi, ke andifak fi onyuŋ edi Ɔkpɔsɔŋ Abasi Jacob.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

ŊWED ESEME 3:57

Afo asaŋa ekpere ke usen eke mfioride ŋkot fi: afo ɔdɔhɔ, ete, Kufehe.