ISAIAH 42:6 - Edisana ñwed Abasi Ibom

⁶ Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

ISAIAH 42:6 Referans Kwoze

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

UTOM MME APOSTLE 13:47

Koro Ɔbɔŋ eteme nnyin ntre ete, Mmonim Fi ke uŋwana mme idut, Man afo akpada erinyaŋa edi tutu osim ke utit ererimbot.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

ISAIAH 49:8

Ntem ke Jehovah ɔdɔhɔ, ete, Mma nyere fi ke ini mfɔnido, mma nnyuŋ nnyaŋa fi ke usen erinyaŋa; ndien ami nyenyuŋ ŋkpeme fi, nnyuŋ nnim fi ke ediomi mbio-obio, man afo eneŋere ererimbot onim, onyuŋ edeme udeme eke ebiarade;

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ISAIAH 26:3

Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

MME HEBREW 9:15

Ke ntak emi Enye onyuŋ edi esine-ufɔt obufa ediomi, man, sia kiet ama akakpa ndifak owo nsio ke mme ndudue eke mmɔ ekesinede ke idak akpa ediomi edue, mmɔ emi ekekotde ekpɔbɔ uŋwɔŋɔ nsinsi udeme.

UTOM MME APOSTLE 26:23

ntiŋ adaŋa nte Christ enyenede ndibiom ukut, ye nte Enye edibemde iso eset ke mkpa, onyuŋ ɔkwɔrɔ uŋwana ɔnɔ mbio-obio ye mme Gentile ŋko.

2 ŊWED CORINTH 1:20

Mme uŋwɔŋɔ Abasi enyuŋ ewak nte ewewak, ke Enye ke “Edi ntre” odu (mmɔ ewɔrɔ esu ke Enye): mmɔdo onyuŋ oto ke Enye nnyin ibɔrɔ ite, “Amen” (yak edi ntre), inɔ Abasi ubɔŋ.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 41:13

Koro ami Jehovah Abasi fo mmumde fi ubɔk nnasia, emi ndɔhɔde fi, nte, Kufehe; ami ŋŋwam fi.

MME HEBREW 8:6

Edi ke emi Enye ɔmɔbɔ idaha oku eke ɔfɔnde akan, adaŋa nte Enye edide esine-ufɔt ke ediomi eke ɔfɔnde akan, kpa ediomi emi ekedade mme uŋwɔŋɔ eke efɔnde ekan ebɔp.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

ISAIAH 45:13

Ami ndemere enye nsin ke edinen ido, nyenyuŋ nneŋere kpukpru usuŋ esie: enye eyebɔp obio mi, onyuŋ asana ikɔt mi emi eketaŋde efep, ayak, idige ke utip inyuŋ idige ke enɔ.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

ISAIAH 32:1

SESE, edidem kiet eyekama obio nte enende; ama edi mbɔŋ, mmɔ ŋko eyeda ubɔŋ ke eti ido.

MME HEBREW 7:2

emi Abraham onyuŋ abaharede kpukpru ŋkpɔ ke itie duop osio ubak kiet ɔnɔ enye; (ebem iso ekot enye, ete, Edidem edinen ido, enyuŋ ekot enye, Edidem Salem ŋko, oro ɔwɔrɔ ete,

ISAIAH 27:3

Ami Jehovah ŋkpeme enye, mbebit enye kpukpru ini: ŋkpekpeme enye ke okoneyo ye uwemeyo, mbak owo edinam enye ŋkpɔ.

ISAIAH 41:2

Anie ekedemere owo ke edem usiaha-utin? Edinen ido eyekot enye edi ke ɔtɔ ukot esie? Eyeda mme idut onim enye ke iso, eyenam enye edigi ndidem; eyeda mmɔ ɔnɔ ofut esie, nte ntan, ɔnɔ utiga esie, nte mbio eke ekpɔride efep.

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.