ISAIAH 42:5 - Edisana ñwed Abasi Ibom

⁵ Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

ISAIAH 42:5 Referans Kwoze

ISAIAH 40:22

Enye emi odorode ke ekara ererimbot, ndien mme andiduŋ enye ebiet ŋkukuŋkpɔyɔriyɔ; emi anyanarede ikpa-enyɔŋ nte ukara, onyuŋ eneŋerede enye nte tent eke eduŋde:

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

ZECHARIAH 12:1

MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,

JEREMIAH 10:12

Enye akanam isɔŋ ke odudu esie, ada ifiɔk esie owuk ererimbot ke itie esie, onyuŋ eneŋere ikpa-enyɔŋ ke asian esie.

ISAIAH 48:13

Ubɔk mi ŋko okonim ererimbot ke itie esie, ubɔk nnasia mi onyuŋ eneŋere ikpa-enyɔŋ: ŋkot mmɔ edi, mmɔ edaha eda ini kiet.

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

ŊWED MME PSALM 33:6

Ekeda uyo Jehovah enam enyɔŋ; ekeda ibifik inua esie enam kpukpru udim mmɔ.

ŊWED JOB 33:4

Spirit Abasi akanam mi: ibifik Abasi Ibom okonyuŋ onim mi ke uwem.

UTOM MME APOSTLE 17:25

owo inyuŋ idaha ubɔk inam ŋkpɔ inɔ Enye, nte emi Enye anande ŋkpɔ; koro edi Enye ɔnɔ kpukpru owo uwem, ye ibifik, ye kpukpru ŋkpɔ:

ŊWED JOB 12:10

Emi akamade ukpɔŋ kpukpru ŋkpɔ uwem ke ubɔk esie, ye spirit ofuri obukidem owo.

ISAIAH 40:12

Anie odomo mmɔŋ ke eka-ubɔk esie, onyuŋ ada eka-ubɔk odomo enyɔŋ, onyuŋ akama ntan isɔŋ ke udomo-ŋkpɔ, onyuŋ odomo udop ikpɔ obot ke scales, ye ekpri obot ke balance?

ŊWED MME PSALM 136:6

Enye emi ekebride isɔŋ ke enyɔŋ mmɔŋ: koro ima esie odude ke nsinsi.

AMOS 9:6

Edi enye ɔkɔŋ mme ubet enyɔŋ esie ke heaven, onyuŋ odori mme ubet isɔŋ esie ke ererimbot; emi okotde mmɔŋ inyaŋ edi, onyuŋ aŋwaŋade enye ke iso isɔŋ: Jehovah edi enyiŋ esie.

GENESIS 2:7

Ndien Jehovah Abasi obot owo ke ntan-isɔŋ, onyuŋ ɔduɔk ibifik uwem esin ke odudu ibuo esie; ndien owo akabare edi ukpɔŋ eke odude uwem.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

ŊWED JOB 34:14

Edieke enye ekerede owo, onyuŋ ataŋde spirit esie ye ibifik esie ɔnɔ idem esie;

ŊWED JOB 27:3

Koro ofuri ibifik mi osuk odude mi ke idem, spirit Abasi onyuŋ odu mi ke ibuo;

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

GENESIS 1:1

KE eritɔŋɔ Abasi okobot enyɔŋ ye isɔŋ.

ISAIAH 37:16

O Jehovah mme udim, Abasi Israel, emi oduŋde ke otu mme cherubim, edi afo ke idem fo ikpɔŋ-ikpɔŋ edi Abasi kpukpru mme idut ererimbot: edi afo akanam enyɔŋ ye isɔŋ.

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

ISAIAH 57:16

Koro mmeditɔhɔke utɔk ke nsinsi, ndinyuŋ nyatke esit tutu amama: koro spirit eyekpa ke iso mi, kpa mme ukpɔŋ emi ami ŋkanamde.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

JEREMIAH 38:16

Ndien edidem Zedekiah ɔŋwɔŋɔ ɔnɔ Jeremiah ndibe-ndibe, ete, Ma uwem Jehovah emi anamde nnyin idi ukpɔŋ emi, ndiwotke fi ndinyuŋ nsinke fi ke ubɔk mmɔ eke eyomde uwem fo.

EZEKIEL 18:4

Sese, kpukpru ukpɔŋ enyene mi; ukpɔŋ ete ebiet eke eyen, mmɔ edi okimmɔ: ukpɔŋ eke anamde idiɔk eyekpa mkpa.

ŊWED MME PSALM 96:5

Koro kpukpru abasi mme idut edide ikpikpu ŋkpɔ: edi Jehovah akanam enyɔŋ.